കുവൈത്തിന് 2.5 ബില്യൺ ഡോളർ പ്രതിരോധ കരാറിന് അനുമതി നൽകി അമേരിക്ക

കുവൈത്ത് : 2.5 ബില്യൺ ഡോളർ വരെ വിലമതിക്കുന്ന ഇന്റഗ്രേറ്റഡ് ബാറ്റിൽ കമാൻഡ് സിസ്റ്റങ്ങളും അനുബന്ധ ഉപകരണങ്ങളും വാങ്ങാൻ കുവൈത്തിന് അനുമതി നൽകി അമേരിക്ക. 2.5 ബില്യൺ ഡോളർ വിലവരുന്ന ബാറ്റിൽ കമാൻഡ് സിസ്റ്റം വിൽപ്പനയ്ക്ക് അമേരിക്കൻ സ്റ്റേറ്റ് ഡിപ്പാർട്ടമെന്റ് വെള്ളിയാഴ്ചയാണ് അനുമതി നൽകിയത്.
അതോടൊപ്പം ഖത്തറിന് 4.01 ബില്യൺ ഡോളർ വിലമതിക്കുന്ന പാട്രിയറ്റ് എയർ മിസൈൽ പ്രതിരോധ സേവനങ്ങളും 992.4 മില്യൺ ഡോളർ വിലയുള്ള അഡ്വാൻസ്ഡ് പ്രിസിഷൻ കിൽ വെപ്പൺ സിസ്റ്റങ്ങൾ വിൽക്കുന്നതിനും അനുമതി നൽകിയിട്ടുണ്ട്. കൂടാതെ, യുഎഇയ്ക്ക് 147.6 മില്യൺ ഡോളർ വിലവരുന്ന അഡ്വാൻസ്ഡ് പ്രിസിഷൻ കിൽ വെപ്പൺ സിസ്റ്റങ്ങൾ വിൽക്കുന്നതിനും അനുമതി നൽകിയിട്ടുണ്ട്. ഈ കരാറുകൾ അമേരിക്കയുടെ വിദേശ നയവും ദേശീയ സുരക്ഷാ ലക്ഷ്യങ്ങളും ശക്തിപ്പെടുത്തുന്നതിനായാണെന്ന് സ്റ്റേറ്റ് ഡിപ്പാർട്ട്മെന്റ് അറിയിച്ചു.