ഷറഫുദ്ദീൻ നായകനാകുന്ന പുതിയ ചിത്രം ‘ഫാമിലി ട്രിപ്പ്ന്റെ’ ഫസ്റ്റ് ലുക്ക് പോസ്റ്റർ പുറത്തെത്തി. വ്യത്യസ്തമായൊരു കുടുംബകഥ പറയുന്ന ചിത്രത്തിന്റെ ഫസ്റ്റ് ലുക്ക് ഇതിനോടകം ശ്രദ്ധ നേടുകയാണ്.
നവാഗതയായ രമ്യ അരവിന്ദാണ് ചിത്രം സംവിധാനം ചെയ്യുന്നത്. ഷറഫു, ഷമാൽ സുലൈമാനും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ചിത്രത്തിൽ വീണ നന്ദകുമാർ, ജാഫർ ഇടുക്കി, ഗാർഗി അനന്തൻ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
അഭിനയത്തിനൊപ്പം ചിത്രത്തിന്റെ നിർമ്മാണത്തിലും ഷറഫുദ്ദീൻ പങ്കാളിയാകുന്നു. കുടുംബ പശ്ചാത്തലത്തിൽ ഒരുങ്ങുന്ന ചിത്രത്തിൽ ഹാസ്യത്തിനും വൈകാരിക മുഹൂർത്തങ്ങൾക്കും പ്രാധാന്യമുണ്ടാകുമെന്നാണ് സൂചന. ഫസ്റ്റ് ലുക്ക് പോസ്റ്ററിൽ നിന്നുതന്നെ ചിത്രത്തിന്റെ ലളിതവും രസകരവുമായ ട്രീറ്റ്മെന്റിന്റെ സൂചനകൾ ലഭിക്കുന്നുണ്ട്.
ചിത്രത്തിന്റെ കഥയെയും കഥാപാത്രങ്ങളെയും കുറിച്ചുള്ള കൂടുതൽ വിവരങ്ങൾ അണിയറപ്രവർത്തകർ പുറത്തുവിട്ടിട്ടില്ല. പുതിയ തലമുറയിലെ സംവിധായകയെന്ന നിലയിൽ രമ്യ അരവിന്ദിന്റെ അരങ്ങേറ്റ ചിത്രം കൂടിയാണ് ‘ഫാമിലി ട്രിപ്പ്’. സിനിമയുടെ റിലീസ് തീയതി ഉൾപ്പെടെയുള്ള വിവരങ്ങൾ പിന്നീട് അറിയിക്കും.
