റിയാദ്: സൗദിയുടെ ആഭ്യന്തര വിപണിയിൽ മൊത്ത-ചില്ലറ വ്യാപാര മേഖലകൾക്ക് മികച്ച തുടക്കമാണ് ഈ വർഷത്തെ ആദ്യ പാദം സമ്മാനിച്ചത്. മുൻവർഷത്തെ ഇതേ കാലയളവിനെ അപേക്ഷിച്ച് മൊത്ത ചില്ലറ വ്യാപാര വരുമാന സൂചികയിൽ 7.3 ശതമാനത്തിന്റെ ഗണ്യമായ വർധനവാണ് രേഖപ്പെടുത്തിയത്. രാജ്യത്തെ ജനറൽ അതോറിറ്റി ഫോർ സ്റ്റാറ്റിസ്റ്റിക്സ് പുറത്തുവിട്ട ഏറ്റവും പുതിയ കണക്കുകളാണ് വിപണിയിലെ ഈ മുന്നേറ്റം വ്യക്തമാക്കുന്നത്. പ്രധാനമായും ഇ-കൊമേഴ്സ് അഥവാ ഓൺലൈൻ വ്യാപാര രംഗത്തെ കുതിപ്പും വാഹന വിപണിയിലെ മികച്ച വിൽപ്പനയുമാണ് ഈ നേട്ടത്തിന് പിന്നിലെ പ്രധാന ചാലകശക്തികളായത്.
