ഇസ്ലാമാബാദ്: 2019-ലെ പുല്വാമ ആക്രമണത്തിന്റെ മുഖ്യസൂത്രധാരന്മാരില് ഒരാളായ ഹംസ ബുര്ഹാന് വെടിയേറ്റ് കൊല്ലപ്പെട്ടു. പാക് അധീന കശ്മീരിലെ മുസാഫറാബാദില് വെച്ച് അജ്ഞാതരായ അക്രമികളാണ് വെടിയുതിര്ത്തതെന്നാണ് റിപ്പോര്ട്ട്.
പുല്വാമ നിവാസിയായ ബുര്ഹാന്റെ യഥാര്ത്ഥ പേര് അര്ജുമന്ദ് ഗുല്സാര് ദാര് എന്നാണ്. ഡോക്ടര് എന്നാണ് ഇയാള് ഭീകരര്ക്കിടയില് അറിയപ്പെട്ടിരുന്നത്. 2022-ല് കേന്ദ്ര ആഭ്യന്തര മന്ത്രാലയം ബുര്ഹാനെ ഭീകരനായി പ്രഖ്യാപിച്ചിരുന്നു.
2019-ലെ പുല്വാമ ആക്രമണത്തില് 40 ലേറെ സിആര്പിഎഫ് ജവാന്മാരാണ് കൊല്ലപ്പെട്ടത്. ജമ്മു കാശ്മീരില് പുല്വാമ ജില്ലയിലെ അവാന്തിപുരക്കടുത്ത് സുരക്ഷാ ഉദ്യോഗസ്ഥരുമായി സഞ്ചരിച്ചിരുന്ന വാഹനങ്ങള്ക്കു നേരെ ഭീകരര് ചാവേര് ആക്രമണം നടത്തുകയായിരുന്നു.
