മനാമ: മനുഷ്യക്കടത്തിനെതിരായ പോരാട്ടം ശക്തിപ്പെടുത്തുന്നതിനും സാമൂഹിക നീതി പ്രോത്സാഹിപ്പിക്കുന്നതിനുമായി ബഹ്റൈനിലെ ഇൻസ്റ്റിറ്റ്യൂട്ട് ഓഫ് പബ്ലിക് അഡ്മിനിസ്ട്രേഷനും ലേബർ മാർക്കറ്റ് റെഗുലേറ്ററി അതോറിറ്റിയും സംയുക്ത പരിശീലന-ശേഷിവികസന പരിപാടിക്ക് തുടക്കമിട്ടു. തൊഴിലാളികളുടെ അവബോധവും അറിവും വർധിപ്പിക്കുക, സംരക്ഷണവും സാമൂഹിക നീതിയും സംബന്ധിച്ച പ്രൊഫഷണൽ, സ്ഥാപനപരമായ രീതികൾ മെച്ചപ്പെടുത്തുക, മനുഷ്യക്കടത്തിനെതിരായ ദേശീയ ശ്രമങ്ങൾക്ക് പിന്തുണ നൽകുന്നതിനുള്ള സ്ഥാപനങ്ങളുടെ ശേഷി ശക്തിപ്പെടുത്തുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ.
