തൃശൂര് : തൃശൂര് ഗവണ്മെന്റ് ലോ കോളജില് കെഎസ് യു-എസ്എഫ്ഐ സംഘര്ഷം. തിങ്കളാഴ്ച ആരംഭിക്കാനിരിക്കുന്ന ത്രിദിന ആര്ട്സ് ഫെസ്റ്റിനെച്ചൊല്ലിയുണ്ടായ തര്ക്കമാണ് സംഘര്ഷത്തില് കലാശിച്ചത്. ഇതേത്തുടര്ന്ന് കോളജ് താല്ക്കാലികമായി അടച്ചു.
മത്സരങ്ങളുടെ പരിശീലനവും ഒരുക്കങ്ങളും പുരോഗമിക്കുന്നതിനിടെ കലോത്സവം അലങ്കോലപ്പെടുത്താന് കെഎസ് യു യൂണിറ്റ് ജോയിന്റ് സെക്രട്ടറി മോസസ് സോജനും ജനറല് സെക്രട്ടറി അല്ജോയും മനഃപൂര്വം സംഘര്ഷം സൃഷ്ടിച്ചെന്നാണ് എസ്എഫ്ഐ പ്രവര്ത്തകരുടെ ആരോപണം.
എസ്എഫ്ഐക്കാണ് ആര്ട്സ് യൂണിയന്റെ ചുമതല. പരിശീലനത്തിനിടെ മനഃപൂര്വം എസ്എഫ്ഐ സംഘര്ഷം സൃഷ്ടിക്കുകയായിരുന്നു എന്ന് കെഎസ് പ്രവര്ത്തകരും ആരോപിച്ചു. ഇനിയൊരു അറിയിപ്പുണ്ടാകുന്നതുവരെ കോളജ് തുറക്കില്ലെന്ന് അധികൃതര് അറിയിച്ചു.
