മനാമ: ബഹ്റൈൻ നവകേരളയുടെ 2026- 27 വർഷത്തെയ്ക്കുള്ള അംഗത്വ ക്യാമ്പയിൻ ആരംഭിച്ചു. ജൂലൈ 1 മുതൽ 31 വരെ ക്യാമ്പയിൻ സംഘടിപ്പിക്കുമെന്ന് പ്രസിഡന്റ് പ്രവീൺ മേൽപത്തൂരും സെക്രട്ടറി രാജ് കൃഷ്ണനും അറിയിച്ചു. ക്യാമ്പയിന്റെ ഉദ്ഘാടന ബഹ്റൈൻ നവകേരളയുടെ മുതിർന്ന അംഗവും രക്ഷാധികാരിയുമായ അജയകുമാറിന് കൈമാറിക്കൊണ്ട് മെംബർഷിപ്പ് സെക്രട്ടറി രജീഷ് പട്ടാഴി നിർവഹിച്ചു. ചടങ്ങിൽ കോ-ഓർഡിനേഷൻ സെക്രട്ടറി ജേക്കബ് മാത്യു, ട്രഷറർ ഷാജഹാൻ കരുവന്നൂർ, രക്ഷാധികാരി ഷാജി മൂതല, മുൻ പ്രസിഡന്റ് എൻ. കെ. ജയൻ, ജോയിന്റ് സെക്രട്ടറി പ്രശാന്ത് മാണിയത്, മനാമ മേഖല രക്ഷാധികാരി അഷറഫ് കുരുത്തോലയിൽ, സെക്രട്ടറി മനോജ് മഞ്ഞക്കാല എന്നിവർ സന്നിഹിതരായിരുന്നു.
