സൗദിയുടെ ചില പ്രദേശങ്ങളിൽ ഇന്നും ഇടിമിന്നലോടു കൂടിയ മഴയ്ക്ക് സാധ്യത

റിയാദ്: ഇന്നും സൗദിയുടെ ചില പ്രദേശങ്ങളിൽ ഇടിമിന്നലോടു കൂടിയ മഴക്കും ആലിപ്പഴ വർഷത്തിനും സാധ്യതയുണ്ടെന്ന് സൗദി കാലാവസ്ഥാ നിരീക്ഷണ കേന്ദ്രം അറിയിച്ചു. നജ്റാൻ, ജസാൻ, അസീർ, അൽബാഹ, മക്ക പ്രവിശ്യകളുടെ ചില ഭാഗങ്ങളിലാണ് സാധ്യത. ഈ പ്രദേശങ്ങളുടെ ചില ഭാഗങ്ങളിലും മദീനയുടെ ചില ഭാഗങ്ങളിലും ജിസാനിലേക്കുള്ള തീരദേശ റോഡിലും ശക്തമായ പൊടിക്കാറ്റ് വീശിയേക്കുമെന്നും അധികൃതർ പറയുന്നു.അതേസമയം, റിയാദ്, കിഴക്കൻ പ്രവിശ്യകളുടെ ചില ഭാഗങ്ങളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്, ഈ പ്രദേശങ്ങളുടെ ചില ഭാഗങ്ങളിലും വടക്കൻ അതിർത്തി, ഖസീം പ്രവിശ്യകളുടെയും ചില ഭാഗങ്ങളിലും പരമാവധി താപനില ഉയരുന്നത് തുടരുമെന്നും പ്രവചനത്തിൽ പറയുന്നു.