ഡി.ആർ.കോംഗോയിൽ എബോളയുടെ ബുണ്ടിബുഗ്യോ വകഭേദം മൂലമുള്ള രോഗവ്യാപനത്തിന് പരീക്ഷണാത്മക ചികിത്സ ആരംഭിച്ചു. ചികിത്സ ആരംഭിച്ചുവെന്നും എബോളയെ നേരിടാനുള്ള ശ്രമങ്ങളിൽ ഒരു നാഴികക്കല്ലാണിതെന്നും ലോകാരോഗ്യ സംഘടനയുടെ തലവൻ ടെഡ്രോസ് അഥനോം ഗെബ്രിയേസുസ് പറഞ്ഞു. 1,000-ലേറെ രോഗികളെ ഉൾക്കൊള്ളിച്ചാണ് മാസങ്ങൾ നീണ്ട ക്ലിനിക്കൽ ട്രയൽ സംഘടിപ്പിക്കുന്നത്. മാപ്പ് ബയോഫാർമസ്യൂട്ടിക്കൽസിന്റെ പരീക്ഷണാടിസ്ഥാനത്തിലുള്ള MBP134 ആൻ്റിബോഡി ബുണ്ടിബുഗ്യോ എബോളയുടെ ഒറ്റ ചികിത്സയായും ഗിലിയഡ് സയൻസസിന്റെ ആൻ്റിവൈറൽ മരുന്നായ റെംഡിസിവിറുമായി ചേർത്തുള്ള ചികിത്സയായുമാണ് ക്ലിനിക്കൽ ട്രയലിൽ നൽകുന്നതെന്ന് ലോകാരോഗ്യസംഘടന അറിയിച്ചു.
എബോളയുടെ ബുണ്ടിബുഗ്യോ വകഭേദത്തെ പിടിച്ചുകെട്ടുമോ പുതിയ മരുന്ന്? പരീക്ഷണാത്മക ചികിത്സ ആരംഭിച്ചു
