ഹർമൻപ്രീത് കൗർ ഇന്ത്യൻ വനിതാ ക്രിക്കറ്റ് ടീമിന്റെ മൂന്ന് ഫോർമാറ്റുകളിലെയും ക്യാപ്റ്റൻ സ്ഥാനം ഒഴിഞ്ഞു. ടെസ്റ്റ്, ഏകദിനം, ടി20 ഐ ടീമുകളുടെ നേതൃത്വത്തിൽ നിന്ന് പിന്മാറിയെങ്കിലും കളിക്കാരിയായി തുടരുമെന്ന് ഹർമൻപ്രീത് വ്യക്തമാക്കി. 2016ൽ ടി20 ക്യാപ്റ്റനായ ഹർമൻപ്രീത് പിന്നീട് എല്ലാ ഫോർമാറ്റുകളുടെയും നായികയായി. അവരുടെ നേതൃത്വത്തിലാണ് ഇന്ത്യ 2025ലെ വനിതാ ഏകദിന ലോകകപ്പ് കിരീടം ആദ്യമായി സ്വന്തമാക്കിയത്. അടുത്തിടെ നടന്ന BCCI അവലോകന യോഗത്തിന് ശേഷമാണ് ക്യാപ്റ്റൻസി ഒഴിയാനുള്ള തീരുമാനം പ്രഖ്യാപിച്ചത്.
‘ഇന്ന്, ഞാൻ എല്ലാ ഫോർമാറ്റുകളിലെയും ഇന്ത്യൻ വനിതാ ക്രിക്കറ്റ് ടീം ക്യാപ്റ്റൻ സ്ഥാനം ഒഴിഞ്ഞു. ഇതൊരു എളുപ്പമുള്ള തീരുമാനമല്ല. വർഷങ്ങളുടെ ഓർമ്മകളും വികാരങ്ങളും ത്യാഗങ്ങളും, എന്റെ ജീവിതകാലം മുഴുവൻ എന്നോടൊപ്പം ഉണ്ടാകുന്ന നിമിഷങ്ങളും ഇതിലുണ്ട്.
ഞാൻ എന്റേതെല്ലാം ഈ ടീമിനും ഇന്ത്യൻ വനിതാ ക്രിക്കറ്റിനും നൽകിയിട്ടുണ്ട്, എന്റെ രക്തം, എന്റെ വിയർപ്പ്, എന്റെ സമയം, പലതവണ എന്റെ സ്വന്തം കളിയുടെയും വ്യക്തിപരമായ മോഹങ്ങളുടെയും ഒരു ഭാഗം പോലും. എന്റെ വ്യക്തിപരമായ പ്രകടനവും സ്വന്തം വളർച്ചയും എനിക്ക് വേണ്ടിയുള്ള കാര്യങ്ങളും മാറ്റിവെക്കേണ്ടി വന്ന നിമിഷങ്ങൾ ഉണ്ടായിട്ടുണ്ട്, കാരണം ടീം ഒന്നാമതായിരിക്കണമെന്ന് ഞാൻ വിശ്വസിച്ചു,” – ഹർമൻപ്രീത് കുറിച്ചു.
