ഡൽഹി: കേരളത്തിലെ മുഖ്യമന്ത്രി ചർച്ചയെ വീണ്ടും പരിഹസിച്ച് ബിജെപി. ബൈനോക്കുലറിലൂടെ നോക്കിയിട്ടും മുഖ്യമന്ത്രിയെ കാണാൻ സാധിക്കുന്നില്ലെന്ന് ബിജെപി വക്താവ് ഷെഹ്സാദ് പൂനെവാലയുടെ പരിഹസിച്ചു. കോൺഗ്രസ് ആകെ ആശയ കുഴപ്പത്തിലാണെന്നും അഞ്ചുവർഷത്തേക്ക് അഞ്ചു മുഖ്യമന്ത്രി ഉണ്ടാകുമെന്നാണ് സൂചന എന്നും അദ്ദേഹം പറഞ്ഞു. കൂടാതെ, കേരളത്തിൽ കോൺഗ്രസിന്റെ തുടർച്ചയായ നേതൃത്വ ചർച്ചകളെയും 2026 ലെ നിയമസഭാ തിരഞ്ഞെടുപ്പിൽ വിജയം നേടിയ സംസ്ഥാനങ്ങളിലെ ബിജെപിയുടെ വേഗത്തിലുള്ള നേതൃത്വ പ്രഖ്യാപനങ്ങളെയും അദ്ദേഹം താരതമ്യം ചെയ്തു.
സംസ്ഥാനത്ത് തിരഞ്ഞെടുപ്പ് വിജയം നേടിയിട്ടും പാർട്ടിയിൽ ആഭ്യന്തര ആശയക്കുഴപ്പം നിലനിൽക്കുന്നുണ്ടെന്ന് ഷെഹ്സാദ് പൂനെവാല ആരോപിച്ചു. 2026 ലെ നിയമസഭാ തിരഞ്ഞെടുപ്പിന് ശേഷം, പശ്ചിമ ബംഗാളിൽ ബിജെപി ചരിത്രപരമായ ഒരു ജനവിധിയും അസമിൽ തുടർച്ചയായ മൂന്നാം തവണയും വിജയം നേടി. ഞങ്ങൾ ഉടൻ തന്നെ ഞങ്ങളുടെ നേതാക്കളെ പ്രഖ്യാപിച്ചു, സർക്കാരുകൾ ഇതിനകം രൂപപ്പെട്ടുവരികയാണെന്നും അദ്ദേഹം പറഞ്ഞു.
