ഓടിക്കൊണ്ടിരിക്കെ കാറിന് തീപിടിച്ചു; ആളപായമില്ല

നീലേശ്വരം: നീലേശ്വരത്ത് ഓടിക്കൊണ്ടിരിക്കെ കാറിന് തീപിടിച്ചു. ഞായറാഴ്ച ഉച്ചയോടെ ആണ് സംഭവം നടന്നത്. പടന്നയിൽ നിന്നും കമ്പല്ലൂരിലെ വിവാഹ വീട്ടിലേക്ക് പോവുകയായിരുന്ന കാറിന് ചിമേനി തുറവിൽ വെച്ചാണ് തീപിടിച്ചത്. കാറിൽ നിന്നും പുക ഉയരുന്നത് ശ്രദ്ധയിൽപെട്ട ഉടനെ കാറിലുണ്ടായിരുന്ന മൂന്നുപേരും പുറത്തെക്കിറങ്ങിയതിനാൽ വലിയ അപകടം ഒഴിവായി. പടന്ന സ്വദേശി നൗഫലും മറ്റു രണ്ടുപേരുമാണ് കാറിൽ ഉണ്ടായിരുന്നതെന്നാണ് വിവരം.