ഷാർജ: ഇ-സ്കൂട്ടുറുകളെയും സൈക്കിളുകളെയും നിരീക്ഷിക്കുന്ന പ്രത്യേക പൊലീസ് വിഭാഗം മെയ് ഒന്ന് മുതൽ പ്രവർത്തനമാരംഭിക്കും. റോഡുകളിലും സൈക്കിൾ പാതകളിലും ഇവരുടെ നിരീക്ഷണമുണ്ടാകും.
ദുബൈയിൽ നിയമംപാലിക്കാതെ, രണ്ടുംമൂന്നും ആളുകളെ കയറ്റി തലങ്ങും വിലങ്ങും പായുന്ന ഈ സ്കൂട്ടുറുകൾ പിടിയിലാകും. സൈക്കിളുകളെയും, ഇ സ്കൂട്ടുറുകളെയും നിരീക്ഷിക്കാൻ പുതിയ പൊലീസ് വിഭാഗം ചുമതലയേൽക്കുകയാണ്. ദുബൈ ആർ.ടി.എയും, പൊലീസും ചേർന്നാണ് പ്രത്യേക വിഭാഗം രൂപീകരിച്ചിരിക്കുന്നത്.
സൈക്കിൾ പാതകൾ, റോഡുകൾ, ഇ സ്കൂട്ടുറുകൾക്കും സൈക്കിളുകൾക്കും അനുവദിച്ച സോഫ്റ്റ് മൊബിലിറ്റ് സോണുകൾ എന്നിവിടങ്ങളിൽ ഈ സെപ്ഷ്യൽ പൊലീസുകാർ നിരീക്ഷണം നടത്തും. ഹെൽമറ്റില്ലാതെ യാത്ര ചെയ്യുന്നവർ, വേഗത പരിധി പാലിക്കാത്തവർ, ഒന്നിലേറെ പേരെ കയറ്റി യാത്ര ചെയ്യുന്നവർ എല്ലാം ഇനി പൊലീസിന്റെ പിടിയിലാകും. ഇവർക്കെതിരെ നടപടി സ്വീകരിക്കുകയും ഇവരുടെ വാഹനങ്ങൾ പിടിച്ചെടുക്കുകയും ചെയ്യുമെന്ന് അധികൃതർ അറിയിച്ചു.
