തൃശൂര്: കോടാലിയില് പാമ്പ് കടിയേറ്റ് കുട്ടി മരിച്ചു. എട്ടു വയസുകാരന് ആല്ജോയാണ് മരിച്ചത്. ആല്ജോയുടെ സഹോദരന് അനോജ് അപ്പോളോ ആശുപത്രിയില് ചികിത്സയിലാണ്. തലയണയ്ക്കടിയില് കിടന്നിരുന്ന പാമ്പാണ് കടിച്ചത്.
ഇന്നലെ രാത്രി രണ്ടുമണിയോടെയാണ് സംഭവം. കുട്ടികള് ഒരുമിച്ച് ഒരുമുറിയിലാണ് കിടന്നിരുന്നത്. രാത്രി ഇരുവര്ക്കും ദേഹാസ്വാസ്ഥ്യം അനുഭവപ്പെടുകയായിരുന്നു. തുടക്കത്തില് ഇത് ഭക്ഷ്യവിഷബാധയാകാമെന്നാണ് മാതാപിതാക്കള് കരുതിയത്. ഇരുവരും അവക്കാഡോ ജ്യൂസ് കുടിച്ചാണ് കിടന്നത്. ഉടന് തന്നെ ചാലക്കുടിയിലെ സ്വകാര്യ ആശുപത്രിയില് ഇരുവരെയും എത്തിച്ചു.
