ഇടുക്കി: ഇടുക്കി ശാന്തന്പാറ ശങ്കരപാണ്ഡ്യമെട്ടില് വീട്ടമ്മ മരിച്ച സംഭവം കൊലപാതകമെന്ന് പൊലീസ്. സ്വകാര്യ സ്കൂളിലെ ഡ്രൈവറായ ജഗന്മോഹന്റെ ഭാര്യ ശാന്തിയാണ് മരിച്ചത്. സംഭവത്തില് ജഗന്മോഹന്റെ സഹോദരി ഭര്ത്താവ് രാമകൃഷ്ണനെ(50) ശാന്തന്പാറ പൊലീസ് അറസ്റ്റ് ചെയ്തു.
4 നാണ് ശാന്തി മരിച്ചത്. ജഗന്മോഹന് ഇല്ലാതിരുന്ന സമയത്ത് രാമകൃഷ്ണന് ഇവരുടെ വീട്ടില് എത്തിയിരുന്നു. ആണി വാങ്ങാനാണ് രാമകൃഷ്ണന് ഇവരുടെ വീട്ടിലെത്തിയത്. ശാന്തി ജഗന്മോഹനെ ഫോണില് വിളിച്ച് ഇക്കാര്യം പറഞ്ഞു. താന് തിരികെ വന്നതിനുശേഷം ആണി കൊടുക്കാം എന്ന് ജഗന് മോഹന് അറിയിച്ചു. ജഗന് മോഹന് തിരിച്ചെത്തിയപ്പോള് നിലത്ത് വീണു കിടക്കുന്ന ശാന്തിയെ കണ്ടു. ശാന്തി തനിക്ക് ചായ തന്നതിനു ശേഷം കുഴഞ്ഞു വീണതാണെന്ന് രാമകൃഷ്ണന് ജഗന് മോഹനോട് പറഞ്ഞതായി പൊലീസ് പറയുന്നു.
