കുവൈത്ത് എയർപോർട്ടിന് സമീപവും ബഹ്‌റൈനിലും വൻ സ്ഫോടന ശബ്ദങ്ങൾ കേട്ടതായി റിപ്പോർട്ട്

കുവൈത്ത്: ഇറാനെതിരെയുള്ള അമേരിക്കൻ വ്യോമാക്രമണങ്ങൾക്ക് തൊട്ടുപിന്നാലെ ഗൾഫ് രാജ്യങ്ങളായ കുവൈത്തിലും ബഹ്‌റൈനിലും ശനിയാഴ്ച പുലർച്ചെയോടെ വൻ സ്ഫോടന ശബ്ദങ്ങൾ കേട്ടതായി അന്താരാഷ്ട്ര വാർത്താ ഏജൻസിയായ എഎഫ്പി റിപ്പോർട്ട് ചെയ്തു. ഇതോടെ ഗൾഫ് മേഖലയിലാകെ കനത്ത ജാഗ്രതാ നിർദ്ദേശവും പുറപ്പെടുവിച്ചിരിക്കുകയാണ്. കുവൈത്ത് അന്താരാഷ്ട്ര വിമാനത്താവളത്തിന് സമീപമുള്ള വിവിധ പ്രദേശങ്ങളിലാണ് ശക്തമായ സ്ഫോടനങ്ങൾ കേട്ടതെന്ന് എഎഫ്പി റിപ്പോർട്ട് ചെയ്തു. തങ്ങളുടെ രാജ്യത്തിന് നേരെ വന്ന ശത്രു മിസൈലുകളെയും ഡ്രോൺ ആക്രമണങ്ങളെയും പ്രതിരോധിക്കുകയാണെന്ന് കുവൈത്ത് മിലിട്ടറി ഔദ്യോഗികമായി പ്രഖ്യാപിച്ചു.