ന്യൂസിലൻഡ് മുൻ നായകനും ഐപിഎല്ലില്‍ ചെന്നൈ സൂപ്പര്‍ കിംഗ്സിന്‍റെ ദീർഘകാല പരിശീലകനുമായിരുന്ന സ്റ്റീഫൻ ഫ്ലെമിങ് ഇംഗ്ലണ്ട് ടെസ്റ്റ് ടീമിന്‍റെ പുതിയ പരിശീലകനായി ചുമതലയേറ്റു. അടുത്തിടെ സ്ഥാനമൊഴിഞ്ഞ ബ്രണ്ടൻ മക്കല്ലത്തിന് പകരക്കാരനായാണ് ചുമതലയേൽക്കുന്നത്. ഈ മാസമാദ്യമാണ് ബ്രണ്ടൻ മക്കല്ലത്തെ ഇംഗ്ലണ്ട് ടെസ്റ്റ് ടീമിന്‍റെ മുഖ്യ പരിശീലക സ്ഥാനത്ത് നിന്ന് ഒഴിവാക്കിയത്.
2022 മെയിലാണ് മക്കല്ലം ഇംഗ്ലണ്ട് ടീമിന്‍റെ പരിശീലകനായി ചുമതലയേറ്റത്.2008-ലെ ആദ്യ ഐ.പി.എൽ സീസണിൽ ചെന്നൈ സൂപ്പര്‍ കിംഗ്സിൽ കളിക്കാരനായി എത്തിയ ഫ്ലെമിങ്, 2009 മുതൽ 2026 വരെ സി എസ് കെയുടെ മുഖ്യ പരിശീലകനായിരുന്നു. സി എസ് കെയ്ക്ക് അഞ്ച് ഐ പി എൽ കിരീടം നേടിക്കൊടുത്തു
