ദുബായ് : ദുരിതമനുഭവിക്കുന്ന പലസ്തീൻ ജനതയ്ക്കുള്ള മാനുഷിക പിന്തുണയുമായി വീണ്ടും യു.എ.ഇ.യുടെ സഹായം. ‘ഓപ്പറേഷൻ ഷിവൽറസ് നൈറ്റ് 3’ സഹായപദ്ധതിയുടെ ഭാഗമായാണ് 47 ട്രക്കുകളിലായി 416 ടൺ ദുരിതാശ്വാസ സാമഗ്രികളെത്തിച്ചത്. ഭക്ഷ്യവസ്തുക്കൾ, താത്കാലിക പാർപ്പിട നിർമാണ സാമഗ്രികൾ ഉൾപ്പെടെയായിരുന്നു സഹായങ്ങൾ. ഈജിപ്തിലെ അൽ അരീഷിലുള്ള യു.എ.ഇ. മാനുഷികസഹായ ലോജിസ്റ്റിക്സ് സെന്ററിലൂടെയാണ് ചരക്കുകൾ കയറ്റിയത്. ഗാസയിലെ വർധിച്ചുവരുന്ന മാനുഷിക ആവശ്യങ്ങൾ നിറവേറ്റുകയും അർഹരായവർക്ക് സഹായം തടസ്സമില്ലാതെ ലഭ്യമാക്കുകയും ചെയ്യുക എന്നതാണ് ഈ സംവിധാനത്തിന്റെ ലക്ഷ്യം.
ഗാസയിലേക്ക് യു.എ.ഇ.യുടെ 416 ടൺ ദുരിതാശ്വാസസഹായംകൂടി
