ഇടുക്കി: കുമളി മുല്ലയാറിൽ വീട്ടുമുറ്റത്ത് കരടികളെത്തി. മുല്ലയാര് സ്വദേശി ഇന്ദുലേഖ രതീഷിന്റെ വീട്ടുമുറ്റത്താണ് രണ്ട് കരടികളെത്തിയത്. ഇന്നലെ രാത്രി എട്ട് മണിയോടെയായിരുന്നു സംഭവം. വീട്ടില് സ്ഥാപിച്ച സിസിടിവിയില് കരടിയുടെ ദൃശ്യങ്ങള് പതിഞ്ഞു. വീട്ടുമുറ്റത്തേക്ക് കടുവകള് ചാടിയിറങ്ങുന്നതും ഇതിനിടെ വീട്ടിലെ ചെടിച്ചട്ടി താഴെ വീണ് പൊട്ടുന്നതും ദൃശ്യങ്ങളിലുണ്ട്. ഇവ പെരിയാര് കടുവ സങ്കേതത്തില് നിന്നും എത്തിയതാകാം എന്നാണ് വനം വകുപ്പിന്റെ നിഗമനം.
പ്രദേശത്ത് ക്യാമറകള് സ്ഥാപിച്ച് നിരീക്ഷണം നടത്താനാണ് വനംവകുപ്പിന്റെ തീരുമാനം. കനത്ത ചൂട് മൂലം വെളളത്തിനും ആഹാരത്തിനും വേണ്ടിയാകാം കരടികൾ ജനവാസ മേഖലയിലേക്ക് എത്തിയതെന്നാണ് വനം വകുപ്പിന്റെ പ്രാഥമിക നിഗമനം. പെരിയാര് കടുവാ സങ്കേതത്തോട് ചേര്ന്നുകിടക്കുന്ന സ്ഥലമാണ് കുമളി.
