തൃശൂർ: കനത്ത മഴയെത്തുടര്ന്ന് തൃശൂര് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് ശനിയാഴ്ച അവധി പ്രഖ്യാപിച്ചു. താലൂക്കുകളില് നിന്നും ലഭ്യമായ റിപ്പോര്ട്ടുകളുടെ അടിസ്ഥാനത്തിലും, ജില്ലയിലെ ജലാശയങ്ങളിലും ഡാമുകളിലും ജലനിരപ്പ് ഉയരുന്ന സാഹചര്യത്തിലും, തുടരുന്ന മഴയുടെ സാഹചര്യവും മുന്നിര്ത്തി, വിദ്യാര്ത്ഥികളുടെ സുരക്ഷ കണക്കിലെടുത്താണ് തൃശൂര് ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (സര്ക്കാര്, എയ്ഡഡ്, അണ്എയ്ഡഡ്, CBSE, ICSE, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള് ഉള്പ്പെടെ) ജൂലൈ 04 (ശനിയാഴ്ച) ജില്ലാ കളക്ടര് ശിഖ സുരേന്ദ്രന് അവധി പ്രഖ്യാപിച്ചത്.
മുന്കൂട്ടി നിശ്ചയിച്ചിട്ടുള്ള പൊതുപരീക്ഷകള്ക്കും ഇന്റര്വ്യൂവിനും ഈ അവധി ബാധകമായിരിക്കില്ല. എല്ലാവരും ജാഗ്രത പാലിക്കണമെന്നും, അനാവശ്യ യാത്രകള് ഒഴിവാക്കണമെന്നും ജില്ലാ കളക്ടര് അഭ്യര്ത്ഥിച്ചു. ദുരന്തനിവാരണ വകുപ്പും ജില്ലാ ഭരണകൂടവും നല്കുന്ന ഔദ്യോഗിക മുന്നറിയിപ്പുകളും നിര്ദേശങ്ങളും കര്ശനമായി പാലിക്കുക എന്നും കളക്ടർ വ്യക്തമാക്കി.
