ചൂട് കൂടും; റിയാദ്, മദീന, മക്ക, കിഴക്കൻ പ്രവിശ്യകളിൽ ഉയർന്ന താപനില
റിയാദ്: റിയാദ്, മദീന, മക്ക, കിഴക്കൻ പ്രവിശ്യകളിൽ ഇന്നും ചൂടും ഉയർന്ന താപനിലയും തുടരുമെന്ന് സൗദിയിലെ ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ഈ പ്രദേശങ്ങളുടെ ചില ഭാഗങ്ങളിലും വടക്കൻ അതിർത്തികൾ, അൽജൗഫ്, തബൂക്ക് പ്രവിശ്യകളിലും പൊടിക്കാറ്റുണ്ടായേക്കുമെന്നും അധികൃതർ മുന്നറിയിപ്പ് നൽകി. ജിസാനിലേക്കുള്ള തീരദേശ റോഡിൽ ദൂരക്കാഴ്ച പൂജ്യത്തിനടുത്താകും. സൗദി അറേബ്യയുടെ പടിഞ്ഞാറൻ, തെക്ക് പടിഞ്ഞാറൻ ഭാഗങ്ങളെ പൊടിക്കാറ്റ് ബാധിക്കും. അതേസമയം, നജ്റാൻ പ്രവിശ്യ ഉൾപ്പെടെയുള്ള തെക്കൻ ഭാഗങ്ങളിൽ ഇടിമിന്നലോടെയുള്ള മഴയുണ്ടായേക്കുമെന്നും അധികൃതർ പറയുന്നു.
Read more
