റിയാദ്: പച്ചപ്പിന്റെ കുളിർമയും മനോഹരമായ മലനിരകളുടെ ഗാംഭീര്യവുമായി സൗദി അറേബ്യയിലെ നജ്റാൻ പ്രവിശ്യയിൽ സഞ്ചാരികളെ ആകർഷിക്കുകയാണ് വാദി ഹറസ് (ഹറസ് താഴ്വര). വേനൽക്കാലത്ത് സൗദിയിലെ ഏറ്റവും മനോഹരമായ പ്രകൃതിദത്ത വിനോദസഞ്ചാര കേന്ദ്രങ്ങളിൽ ഒന്നായി മാറിയിരിക്കുകയാണ് ബദർ അൽ ജനൂബ് ഗവർണറേറ്റിന് കീഴിലുള്ള ഈ പ്രകൃതിരമണീയമായ താഴ്വര.
മലനിരകൾ നൽകുന്ന സുരക്ഷിതത്വവും പ്രകൃതിദത്തമായ സ്വകാര്യതയും കാരണം കുടുംബങ്ങൾക്കും സാഹസിക പ്രേമികൾക്കും ഒരുപോലെ പ്രിയപ്പെട്ട ഇടമായി വാദി ഹറസ് മാറിയിട്ടുണ്ട്. ക്യാമ്പിംഗ്, ഫോട്ടോഗ്രാഫി, പ്രകൃതിപഠനം, ട്രെക്കിംഗ് എന്നിവയ്ക്ക് അനുയോജ്യമായ ഇവിടെ ദിനംപ്രതി നിരവധി സഞ്ചാരികളാണ് കുളിർമതേടി എത്തുന്നത്.
