‘എബ്രഹാം ഓസ്ലർ’ എന്ന സൂപ്പർഹിറ്റ് ചിത്രത്തിന് പിന്നാലെ നേരമ്പോക്ക് ബാനറിൽ ഒരുങ്ങുന്ന പുതിയ ചിത്രം ‘ടൈറ്റൻസി’ലെ ആദ്യ വീഡിയോ ഗാനം പുറത്തിറങ്ങി. പ്രിൻസ് ജോയ് സംവിധാനം ചെയ്യുന്ന ജയസൂര്യ–വിനായകൻ ചിത്രത്തിലെ ‘ആഗോള ശൃംഖല’ എന്ന ഗാനമാണ് അണിയറപ്രവർത്തകർ റിലീസ് ചെയ്തത്. വൈക്കം വിജയലക്ഷ്മിയും സന്നിധാനന്ദനും ചേർന്നാണ് ഗാനം ആലപിച്ചിരിക്കുന്നത്. ഡോൺ വിൻസെന്റ് സംഗീതസംവിധാനം നിർവഹിച്ച ഗാനത്തിന്റെ വരികൾ എഴുതിയിരിക്കുന്നത് മുത്തുവാണ്. നേരമ്പോക്ക്, മാനുവൽ മൂവി മേക്കേഴ്സ്, അവനിർ ടെക് എന്നീ ബാനറുകളിൽ മിഥുൻ മാനുവൽ തോമസ്, ഇർഷാദ് എം. ഹസൻ എന്നിവരും ബാബു ഏട്ടൻ ഫിലിംസിന്റെ ബാനറിൽ പ്രദീപ് സി.എസും ചേർന്നാണ് ചിത്രം നിർമ്മിക്കുന്നത്. ഒക്ടോബർ 22ന് ലോകമെമ്പാടുമുള്ള തിയേറ്ററുകളിൽ ചിത്രം പ്രദർശനത്തിനെത്തും.

ജയസൂര്യക്കും വിനായകനുമൊപ്പം ബേബി ജീൻ, നിഹാൽ, സണ്ണി വെയ്ൻ, ഇന്ദ്രൻസ്, സുരേഷ് കൃഷ്ണ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. കോമഡിയും ത്രില്ലും ഫാന്റസിയും സമന്വയിപ്പിച്ചാണ് സിനിമ ഒരുക്കിയിരിക്കുന്നത്. നേരത്തെ പുറത്തിറങ്ങിയ ചിത്രത്തിന്റെ ട്രെയിലറും പോസ്റ്ററുകളും പ്രേക്ഷകശ്രദ്ധ നേടിയിരുന്നു. ‘അനുഗ്രഹീതൻ ആന്റണി’ എന്ന ചിത്രത്തിലൂടെ ശ്രദ്ധേയനായ പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസ്’ തിരക്കഥയെഴുതിയിരിക്കുന്നത് ജെയിംസ് സെബാസ്റ്റ്യനാണ്. ജയസൂര്യയുടെയും വിനായകന്റെയും പ്രകടനങ്ങൾക്കൊപ്പം നർമ്മവും ഫാന്റസിയും ത്രില്ലും നിറഞ്ഞ വ്യത്യസ്തമായ സിനിമാനുഭവമാണ് അണിയറപ്രവർത്തകർ വാഗ്ദാനം ചെയ്യുന്നത്.

ചിത്രത്തിന്റെ കേരളത്തിലെ വിതരണാവകാശം മാജിക് ഫ്രെയിംസിനാണ്. വിദേശരാജ്യങ്ങളിലെ വിതരണം ഫാർസ് ഫിലിംസ് നിർവഹിക്കും. ചിത്രത്തിന്റെ ഓഡിയോ, സംഗീത അവകാശങ്ങൾ സ്വന്തമാക്കിയിരിക്കുന്നത് 123 മ്യൂസിക്സാണ്. ‘ആഗോള ശൃംഖല’ എന്ന ഗാനം പുറത്തിറങ്ങിയതോടെ സിനിമയുടെ സംഗീതവും പ്രേക്ഷകർക്കിടയിൽ ശ്രദ്ധ നേടുകയാണ്. വിഷ്ണു ശർമ്മയാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. ഷമീർ മുഹമ്മദ് എഡിറ്റിങ്ങും ഡോൺ വിൻസെന്റ് സംഗീതസംവിധാനവും നിർവഹിക്കുന്നു. അരുൺ വെഞ്ഞാറമൂടാണ് പ്രൊഡക്ഷൻ ഡിസൈനർ. സുനിൽ സിങ്, ശ്രീജിത്ത് ഗില്ലി, സജിത്ത് പി.വൈ. എന്നിവരാണ് എക്സിക്യൂട്ടീവ് പ്രൊഡ്യൂസർമാർ. റോബിൻ വർഗീസ് ലൈൻ പ്രൊഡ്യൂസറായും പ്രശാന്ത് നാരായണൻ പ്രൊഡക്ഷൻ കൺട്രോളറായും പ്രവർത്തിക്കുന്നു.

മഹേഷ് പിറവമാണ് ആർട്ട് ഡയറക്ടർ. വിശാഖ് ബാബു വിഎഫ്എക്സ് ഡയറക്ടറായും സിജി നോബിൾ തോമസ് കോസ്റ്റ്യൂം ഡിസൈനറായും റോണക്സ് സേവ്യർ മേക്കപ്പ് ആർട്ടിസ്റ്റായും പ്രവർത്തിക്കുന്നു. കിഷൻ മോഹൻ സൗണ്ട് ഡിസൈനും രാജകൃഷ്ണൻ എം.ആർ. സൗണ്ട് മിക്സിങ്ങും നിർവഹിക്കുന്നു. രജീഷ് വേലായുധൻ, ബേസിൽ വർഗീസ് ജോസ് എന്നിവരാണ് ചീഫ് അസോസിയേറ്റ് ഡയറക്ടർമാർ. ബിനോഷ് ജോർജ് ക്രിയേറ്റീവ് അസോസിയേറ്റായും ഫീനിക്സ് പ്രഭു സംഘട്ടനസംവിധായകനായും പ്രവർത്തിക്കുന്നു. ഡിജിറ്റൽ പിആർ കൈകാര്യം ചെയ്യുന്നത് യദുൽ ബോസും വിവേക് വിനയ്രാജുമാണ്. എസ്.ബി.കെ. ഷുഹൈബ്, ബോയാക് എന്നിവരാണ് സ്റ്റിൽ ഫോട്ടോഗ്രാഫർമാർ.

മൈൻഡ് സ്റ്റെയിൻ സ്റ്റുഡിയോസ്, പിക്റ്റോറിയൽ എഫ്.എക്സ്. എന്നിവയാണ് ചിത്രത്തിന്റെ വിഷ്വൽ എഫക്ട്സ് ഒരുക്കുന്നത്. യെല്ലോ ടൂത്ത്സാണ് ഡിസൈൻസ് നിർവഹിക്കുന്നത്. വൈശാഖ് സി. വടക്കേവീട്, ജിനു അനിൽകുമാർ എന്നിവരാണ് ചിത്രത്തിന്റെ പിആർഒമാർ.