ചെന്നൈ: തമിഴ്നാട് മുഖ്യമന്ത്രി സി. ജോസഫ് വിജയ് നായകനാകുന്ന ‘ജനനായകൻ’ എന്ന ചിത്രത്തിന്റെ പുതിയ ഔദ്യോഗിക പോസ്റ്റർ പുറത്തിറക്കി നിർമാതാക്കളായ KVN Productions. പോസ്റ്ററിൽ “Releasing Worldwide – July 23” എന്നാണ് വ്യക്തമാക്കിയിരിക്കുന്നത്.
എച്ച്. വിനോദ് സംവിധാനം ചെയ്യുന്ന ചിത്രം വിജയയുടെ അഭിനയജീവിതത്തിലെ അവസാന സിനിമയാകുമെന്ന വിലയിരുത്തലാണ് സിനിമാ ലോകത്ത് ഉയരുന്നത്. ചിത്രത്തിൽ പൂജ ഹെഗ്ഡെ, ബോബി ഡിയോൾ, മമിത ബൈജു, ഗൗതം വാസുദേവ് മേനോൻ, പ്രകാശ് രാജ്, നരെയ്ൻ, പ്രിയാമണി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ, തിരക്കഥ, സംവിധാനം എന്നിവ നിർവഹിച്ചിരിക്കുന്നത് എച്ച്. വിനോദാണ്. സംഗീതം അനിരുദ്ധ് രവിചന്ദർ, ഛായാഗ്രഹണം സത്യൻ സൂര്യൻ, എഡിറ്റിംഗ് പ്രദീപ് ഇ. രാഘവ് എന്നിവരാണ് കൈകാര്യം ചെയ്യുന്നത്. വെങ്കട്ട് കെ. നാരായണ നിർമിക്കുന്ന ചിത്രത്തിന്റെ കോ-പ്രൊഡ്യൂസർമാർ ജഗദീഷ് പളനിസാമിയും ലോഹിത് എൻ. കെ.യുമാണ്.
സെൻസർ നടപടികൾ പൂർത്തിയായതോടെ ചിത്രം റിലീസിന് ഒരുങ്ങുകയാണ്. പുതിയ പോസ്റ്റർ പുറത്തുവന്നതോടെ ആരാധകരുടെ ആവേശവും പ്രതീക്ഷയും ഉയർന്നിരിക്കുകയാണ്. ലോകമെമ്പാടുമുള്ള തിയറ്ററുകളിൽ ജൂലൈ 23ന് ചിത്രം പ്രദർശനത്തിനെത്തും.
