കൊച്ചി: ശബരിമല കൊടിമര പുനഃപതിഷ്ഠയില് ക്രമക്കേട് നടന്നിട്ടില്ലെന്ന വിജിലന്സ് അന്വേഷണ റിപ്പോര്ട്ട് ഹൈക്കോടതി അംഗീകരിച്ചു. ഇതോടെ കേസ് ഹൈക്കോടതി അവസാനിപ്പിച്ചു.
2017ലെ കൊടിമര പുനഃപ്രതിഷ്ഠയിലാണ് യുഡിഎഫ് ഭരണസമിതി സംശയനിഴലിലായത്. സംഭാവനയായി ലഭിച്ച സ്വര്ണത്തിന്റെ കണക്കുകളില് ആയിരുന്നു അവ്യക്തത. 412ഗ്രാം സ്വര്ണമാണ് കൊടിമരം സ്വര്ണം പൂശാന് സംഭവന ലഭിച്ചത്. മുഴുവന് സ്വര്ണവും വാചിവാഹന, അഷ്ടദിക് പാലകരുടെ നിര്മ്മാണതിതന് ഉപയോഗിച്ചു. സംഭാവന നല്കിയ 23 പേരുടെ മൊഴിയും വിജിലന്സ് രേഖപ്പെടുത്തി. തുടര്ന്നാണ് കേസ് എടുക്കാന് തെളിവുകളില്ലെന്ന നിഗമനത്തില് വിജിലന്സ് എത്തിയത്. അന്വേഷണ റിപ്പോര്ട്ട് അംഗീകരിച്ച ഹൈക്കോടതി കേസ് തീര്പ്പാക്കുകയായിരുന്നു.
