കൊച്ചി: കനത്ത ചൂടില് എറണാകുളം പഴങ്ങനാട് ബൈക്കിന്റെ സീറ്റ് അപ് ഹോള്സ്റ്ററി കത്തി നശിച്ചു. സമരിറ്റന് ആശുപത്രിക്ക് മുന്നില് പാര്ക്ക് ചെയ്തിരുന്ന ബൈക്കാണ് കത്തി നശിച്ചത്. ഉടൻ തന്നെ സെക്യൂരിറ്റി ജീവനക്കാര് ഫയര് എക്സ്റ്റിന്ഗ്യൂഷര് ഉപയോഗിച്ച് തീ കെടുത്തിയതിനാല് വന് അപകടം ഒഴിവായി. അതേസമയം, തൃശൂര്, പാലക്കാട് ജില്ലകളില് ഉഷ്ണതരംഗ സാധ്യതാ മുന്നറിയിപ്പ് പുറപ്പെടുവിച്ചിട്ടുണ്ട്. കേന്ദ്ര കാലാവസ്ഥാ വകുപ്പ് ജാഗ്രതാ നിര്ദ്ദേശവും നൽകിയിട്ടുണ്ട്.
അതേസമയം മറ്റ് ജില്ലകളിലും ഉയര്ന്ന താപനില തുടരുകയാണ്. സാധാരണയെക്കാൾ 4 മുതൽ 5 ഡിഗ്രി സെൽഷ്യസ് വരെ താപനില ഉയരുന്ന സാഹചര്യമാണുള്ളത്. സംസ്ഥാനമാകെ അതീവ ജാഗ്രത തുടരണമെന്നും നിര്ദ്ദേശമുണ്ട്. പകല് 11 മുതല് വൈകിട്ട് മൂന്നു വരെ വെയില് ഏല്ക്കരുതെന്ന് കര്ശന നിര്ദേശമുണ്ട്. അതേസമയം കൊല്ലം ജില്ലയിലെ ഓറഞ്ച് അലര്ട്ട് പിന്വലിച്ചു. കഴിഞ്ഞ ദിവസത്തെ അപേക്ഷിച്ച് ഇന്നലെ കൊല്ലം ജില്ലയില് താപനില കുറഞ്ഞിരുന്നു. പിന്നാലെയാണ് അലർട്ട് പിൻവലിച്ചത്.
