ജിദ്ദ: വൈക്കം മുഹമ്മദ് ബഷീറിന്റെ 32-ാം ചരമവാർഷികത്തോടനുബന്ധിച്ച് ജിദ്ദ വായനക്കൂട്ടം അനുസ്മരണ പരിപാടി സംഘടിപ്പിച്ചു. ബഷീറിന്റെ ജീവിതം, സാഹിത്യം, അദ്ദേഹത്തിന്റെ സവിശേഷ ദർശനങ്ങൾ എന്നിവയെക്കുറിച്ച് പരിപാടിയിൽ വിശദ ചർച്ചകൾ നടന്നു. ചടങ്ങിൽ മാധ്യമപ്രവർത്തകൻ എ.എം. സജിത്ത് മുഖ്യാതിഥിയായി. വായനക്കൂട്ടം സാരഥി കെ.ടി.എ മുനീർ അധ്യക്ഷത വഹിച്ചു. ബഷീറിന്റെ മകൻ മുഹമ്മദ് അനീഷുമായുള്ള വായനക്കൂട്ടത്തിന്റെ ബന്ധം അനുസ്മരിച്ചു. ജാതിക്കും മതത്തിനും അതീതമായി മനുഷ്യനെ സ്നേഹിക്കാൻ പഠിപ്പിച്ച ബേപ്പൂർ സുൽത്താന്റെ ഓർമകൾ പുതുക്കിയാണ് പരിപാടി സമാപിച്ചത്.
