നെതന്യാഹുവിനൊപ്പം സർക്കാർ രൂപീകരിക്കാനില്ല; ട്രംപിന്റെ ഇടപെടലും അംഗീകരിക്കില്ലെന്ന് ഇസ്രയേൽ പ്രതിപക്ഷ നേതാവ്

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

ടെൽ അവീവ്: ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തിലുള്ള സർക്കാരിൽ പങ്കാളിയാകില്ലെന്ന് പ്രതിപക്ഷ നേതാവ് ഗാഡി ഐസൻകോട്. അമേരിക്കൻ പ്രസിഡന്റ് ഡൊണാൾഡ് ട്രംപ് ആവശ്യപ്പെട്ടാലും നിലപാടിൽ മാറ്റമുണ്ടാകില്ലെന്നും അദ്ദേഹം വ്യക്തമാക്കിയതായി ദി ജെറുസലേം പോസ്റ്റ് റിപ്പോർട്ട് ചെയ്തു.

അടുത്തിടെ നടന്ന അടച്ചിട്ട യോഗത്തിൽ ഐസൻകോട് ഇക്കാര്യം വ്യക്തമാക്കിയെന്നാണ് ഇസ്രയേൽ പൊതുമാധ്യമമായ കെഎഎൻ ന്യൂസിനെ ഉദ്ധരിച്ചുള്ള റിപ്പോർട്ട്. ട്രംപ് കൂടിക്കാഴ്ചയ്ക്ക് ക്ഷണിച്ചാൽ പങ്കെടുക്കുമെന്നും എന്നാൽ ഇസ്രയേലിന്റെ ആഭ്യന്തര രാഷ്ട്രീയ കാര്യങ്ങളിൽ അമേരിക്കൻ പ്രസിഡന്റ് ഇടപെടുന്നത് അംഗീകരിക്കില്ലെന്നും അദ്ദേഹം പറഞ്ഞതായാണ് റിപ്പോർട്ട്.

ഒക്ടോബർ 27ന് നടന്ന തെരഞ്ഞെടുപ്പിൽ ആർക്കും കേവല ഭൂരിപക്ഷം ലഭിക്കാത്തതോടെയാണ് ഇസ്രയേലിൽ രാഷ്ട്രീയ അനിശ്ചിതത്വം തുടരുന്നത്. 120 അംഗ പാർലമെന്റായ നെസറ്റിൽ സർക്കാർ രൂപീകരിക്കാൻ 61 സീറ്റുകളാണ് വേണ്ടത്. നെതന്യാഹുവിന്റെ സഖ്യത്തിന് 53 സീറ്റും പ്രതിപക്ഷ കക്ഷികൾക്ക് 48 സീറ്റുമാണ് ലഭിച്ചത്. അറബ് പാർട്ടികൾക്ക് ആകെ 19 സീറ്റുകളുണ്ട്.

രാഷ്ട്രീയ പ്രതിസന്ധി ഒഴിവാക്കി സ്ഥിരതയുള്ള സർക്കാർ രൂപീകരിക്കാനുള്ള സാധ്യതകൾ തേടി ട്രംപുമായി ബന്ധപ്പെട്ടവർ ഇസ്രയേൽ ഉദ്യോഗസ്ഥരുമായി ചർച്ച നടത്തിയതായി നേരത്തെ റിപ്പോർട്ടുകളുണ്ടായിരുന്നു. നെതന്യാഹുവും ഐസൻകോട്ടിനെ അനുയോജ്യമായ പങ്കാളിയായി കണ്ടിരുന്നുവെന്നാണ് ദി വാഷിങ്ടൺ പോസ്റ്റ് റിപ്പോർട്ട് ചെയ്തത്.

അതേസമയം, നഫ്താലി ബെന്നറ്റ്, യായർ ഗോലൻ, അവിഗ്ദോർ ലിബർമാൻ തുടങ്ങിയ പ്രതിപക്ഷ നേതാക്കൾ ഐസൻകോട്ടിനെ അടുത്ത സർക്കാർ രൂപീകരിക്കാൻ അനുയോജ്യനായ സ്ഥാനാർഥിയായി പ്രസിഡന്റ് ഐസക് ഹെർസോഗിന് മുന്നിൽ നിർദേശിക്കാൻ ധാരണയിലെത്തിയതായും റിപ്പോർട്ടുകളുണ്ട്. അറബ് എംപിമാരുടെ പിന്തുണ കൂടി ലഭിച്ചാൽ ഐസൻകോട്ടിന് 67 അംഗങ്ങളുടെ പിന്തുണ ഉറപ്പാക്കാൻ കഴിയുമെന്നാണ് കണക്കുകൂട്ടൽ.

എന്നാൽ അറബ് പാർട്ടികളുടെ പിന്തുണയുള്ള സർക്കാരിൽ പങ്കാളിയാകില്ലെന്ന് ലിബർമാൻ വ്യക്തമാക്കിയിട്ടുണ്ട്. നെതന്യാഹുവിന്റെ നേതൃത്വത്തിലുള്ള ഐക്യസർക്കാരിലും ചേരില്ലെന്നാണ് അദ്ദേഹത്തിന്റെ നിലപാട്.

തെരഞ്ഞെടുപ്പിന് ശേഷമുള്ള പ്രതിപക്ഷത്തിന്റെ ആദ്യ സംയുക്ത യോഗം ഐസൻകോട്, ബെന്നറ്റ്, ഗോലൻ, ലിബർമാൻ, യായർ ലാപിഡ് എന്നിവർ ചൊവ്വാഴ്ച നടത്തുമെന്നാണ് റിപ്പോർട്ട്. സർക്കാർ രൂപീകരണവുമായി ബന്ധപ്പെട്ട തുടർനീക്കങ്ങളും പ്രതിപക്ഷത്തിന്റെ നിലപാടും യോഗത്തിൽ ചർച്ചയാകും.

Tags :

Greeshma Joshi

Leave a Reply

Your email address will not be published. Required fields are marked *

Recent News