തിരുവനന്തപുരം: നിയമസഭയിൽ പ്രത്യേക റൂളിംഗ് നൽകി സ്പീക്കർ തിരുവഞ്ചൂർ രാധാകൃഷ്ണൻ. സഭയുടെ മര്യാദ എല്ലാവരും പാലിക്കണമെന്നും ജ്യേഷ്ഠ സഹോദരന്മാർ പാലിക്കുന്ന രീതി 71 പുതിയ അംഗങ്ങളും മാതൃകയാക്കണമെന്നും സ്പീക്കർ സഭയിൽ അറിയിച്ചു. ഇതുസംബന്ധിച്ച് പുതിയ അംഗങ്ങൾക്കായി 17ന് സെമിനാർ നടത്തും. സെമിനാറിൽ മുഖ്യമന്ത്രി വി.ഡി സതീശനും പ്രതിപക്ഷ നേതാവ് പിണറായി വിജയനും പങ്കെടുക്കും.
ചട്ടം പഠിപ്പിക്കുന്നതിൻ്റെ ഭാഗമായാണ് സ്പീക്കർ പ്രത്യേക റൂംളിംഗ് നൽകുന്നത്. ഇന്നലെ തുടക്കം ആയതിനാൽ പലരും സ്വാതന്ത്ര്യത്തോടെ ഇടപെട്ടുവെന്നും ചെയറിന് മുഖം മറച്ച് നിൽക്കുകയും സഭയുടെ തലങ്ങും വിലങ്ങും നടക്കുകയും ചെയ്തുവെന്നും സ്പീക്കർ പറഞ്ഞു. എന്നാൽ പുതിയ അംഗങ്ങൾ ജ്യേഷ്ഠ സഹോദരന്മാർ പാലിക്കുന്ന രീതി മാതൃകയാക്കണമെന്നും അദ്ദേഹം വ്യക്തമാക്കി.
