സിആർപിഎഫ് ആക്രമണം: കുൽഗാമിൽ ഭീകരരെ വളഞ്ഞ് സുരക്ഷാസേന; ഏറ്റുമുട്ടൽ തുടരുന്നു

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

ശ്രീനഗർ: ജമ്മു കശ്മീരിലെ കുൽഗാമിൽ സിആർപിഎഫ് സംഘത്തിന് നേരെയുണ്ടായ ഭീകരാക്രമണത്തിന് പിന്നിലുള്ളവരെന്ന് സംശയിക്കുന്ന ഭീകരരെ സുരക്ഷാസേന വളഞ്ഞു. തിങ്കളാഴ്ച പ്രദേശത്ത് ഏറ്റുമുട്ടൽ ആരംഭിച്ചതായി കശ്മീർ സോൺ പൊലീസ് അറിയിച്ചു. ഭീകരരുടെ സാന്നിധ്യമുണ്ടെന്ന രഹസ്യവിവരത്തെ തുടർന്ന് സൈന്യവും പൊലീസും സിആർപിഎഫും സംയുക്തമായാണ് തിരച്ചിൽ നടത്തുന്നത്.

നവംബർ 11നാണ് കുൽഗാമിലെ മിർബസാറിന് സമീപം അഖ്റാനിൽ സിആർപിഎഫിന്റെ 46-ാം ബറ്റാലിയനിലെ ചെക്ക് പോസ്റ്റിന് നേരെ ഭീകരർ വെടിയുതിർത്തത്. ആക്രമണത്തിൽ മൂന്ന് സിആർപിഎഫ് ജവാന്മാർക്ക് പരിക്കേറ്റിരുന്നു. സംഭവത്തിന് പിന്നാലെ ഭീകരർക്കായി വ്യാപക തിരച്ചിൽ ആരംഭിച്ചു. പ്രദേശത്തെ നിരവധി ഗ്രാമങ്ങൾ സുരക്ഷാസേന വളയുകയും പരിശോധന ശക്തമാക്കുകയും ചെയ്തു.

ആക്രമണത്തിന് പിന്നിലുള്ളവരെക്കുറിച്ച് നിർണായക സൂചനകൾ ലഭിച്ചതായി സിആർപിഎഫ് സ്പെഷ്യൽ ഡയറക്ടർ ജനറൽ സന്ദീപ് ഖിർവാർ തിങ്കളാഴ്ച അറിയിച്ചിരുന്നു. തെക്കൻ കശ്മീരിൽ ഒന്നിലധികം തിരച്ചിൽ നടപടികൾ പുരോഗമിക്കുകയാണെന്നും പ്രവർത്തനങ്ങളുടെ വിശദാംശങ്ങൾ ഇപ്പോൾ വെളിപ്പെടുത്താനാകില്ലെന്നും അദ്ദേഹം വ്യക്തമാക്കി.

ലഷ്കർ-ഇ-തൊയ്ബയുമായി ബന്ധമുള്ള മുഹമ്മദ് ലത്തീഫ് ഭട്ടിന്റെ പങ്കും അന്വേഷണസംഘം പരിശോധിക്കുന്നുണ്ട്. ഇയാൾക്ക് ആക്രമണവുമായി ബന്ധമുണ്ടെന്നാണ് സുരക്ഷാ ഏജൻസികളുടെ സംശയം. എന്നാൽ ഏറ്റുമുട്ടലിൽ ഉൾപ്പെട്ടവരുടെ തിരിച്ചറിയൽ സംബന്ധിച്ച ഔദ്യോഗിക സ്ഥിരീകരണം പുറത്തുവന്നിട്ടില്ല.

ആക്രമണത്തിന് പിന്നാലെ അഞ്ഞൂറിലധികം പേരെ ചോദ്യം ചെയ്തതായും ഇരുപതോളം പേരെ കൂടുതൽ അന്വേഷണത്തിനായി കസ്റ്റഡിയിലെടുത്തതായും നേരത്തെ റിപ്പോർട്ടുകളുണ്ടായിരുന്നു. അതേസമയം, കുൽഗാമിൽ സുരക്ഷാ പരിശോധനയും തിരച്ചിലും ശക്തമായി തുടരുകയാണ്.

ഏറ്റുമുട്ടലിന്റെ കൂടുതൽ വിവരങ്ങൾക്കായി കാത്തിരിക്കുകയാണ് സുരക്ഷാ ഏജൻസികൾ.

Tags :

Greeshma Joshi

Leave a Reply

Your email address will not be published. Required fields are marked *

Recent News