ഓറഞ്ച് ഷർട്ടിൽ കുടുങ്ങി പ്രതി

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

കണ്ണൂർ: ഒരു ഓറഞ്ച് ഷർട്ട്, പത്ത് വർഷത്തോളം പൊലീസിനെ വെട്ടിച്ച് ഒളിവിൽ കഴിഞ്ഞ പ്രതിയെ ഒടുവിൽ കുടുക്കിയത് അതേ ഷർട്ട് തന്നെ. കണ്ണൂരിലെ കുഞ്ഞാമിന വധക്കേസിലെ പ്രതി അബ്ബാസ് അലിയെ ഡൽഹിയിൽ നിന്നാണ് ക്രൈംബ്രാഞ്ച് പിടികൂടിയത്. 2016 ഏപ്രിൽ 30നാണ് 60 വയസ്സുകാരിയായ കുഞ്ഞാമിന കവർച്ചയ്ക്കിടെ കൊല്ലപ്പെട്ടത്. അതിനുശേഷം അബ്ബാസ് അലി വിവിധ സംസ്ഥാനങ്ങളിലായി ഒളിവിൽ കഴിയുകയായിരുന്നു. 50ലധികം മൊബൈൽ ഫോണുകൾ ഉപയോഗിച്ച ഇയാൾ പല പേരുകളിലും വിലാസങ്ങളിലുമാണ് താമസിച്ചിരുന്നത്.

ഓൺലൈൻ തട്ടിപ്പിലൂടെയും മോഷണത്തിലൂടെയും പണം സമ്പാദിച്ച് ആഡംബര ജീവിതം നയിച്ചിരുന്നതായും അന്വേഷണത്തിൽ കണ്ടെത്തി. പ്രതിയെ തേടി ഡൽഹിയിലെത്തിയ ക്രൈംബ്രാഞ്ച് സംഘം പത്ത് ദിവസത്തോളം അന്വേഷണം നടത്തിയിട്ടും ആദ്യം ഫലമുണ്ടായില്ല. ഒടുവിൽ നാട്ടിലേക്ക് മടങ്ങാനിരിക്കെയാണ് വഴിയിലൂടെ നടന്നുപോകുന്ന ഒരാളുടെ വസ്ത്രം പൊലീസിന്റെ ശ്രദ്ധയിൽപ്പെട്ടത്.

ഫോട്ടോയിലുള്ള അതേ ഓറഞ്ച് ഷർട്ട് ധരിച്ച ആളായിരുന്നു അത്. പൊലീസിനെ കണ്ടതോടെ ഇയാൾ ഓടി രക്ഷപ്പെടാൻ ശ്രമിച്ചു. തുടർന്ന് നടത്തിയ തിരച്ചിലിൽ വാടകവീട്ടിൽ ഒളിച്ചിരുന്ന അബ്ബാസ് അലിയെ പിടികൂടി. കുഞ്ഞാമിനയുടെ ആഭരണങ്ങൾ മുംബൈയിൽ വിറ്റതായും ചോദ്യം ചെയ്യലിൽ ഇയാൾ സമ്മതിച്ചതായാണ് റിപ്പോർട്ട്. പത്ത് വർഷത്തോളം പല സംസ്ഥാനങ്ങളിലായി ഒളിവിൽ കഴിഞ്ഞ പ്രതിയുടെ നീക്കങ്ങൾക്ക് ഒടുവിൽ വിരാമമിട്ടത് ഒരു ഓറഞ്ച് ഷർട്ട്, കേരള ക്രൈംബ്രാഞ്ചിന്റെ അന്വേഷണത്തിലെ നിർണായക നേട്ടമായി ഈ അറസ്റ്റ് മാറിയിരിക്കുകയാണ്

Tags :

Raksha Balakrishnan

Leave a Reply

Your email address will not be published. Required fields are marked *

Recent News