ഇന്ത്യയുടെ ദീപാവലി ആഘോഷങ്ങൾക്ക് ആശംസകളുമായി ഇറാനും. ഇറാന്റെ പരമോന്നത നേതാവ് ആയത്തുള്ള മൊജ്തബ ഖമനയിയുടെ ഇന്ത്യൻ പ്രതിനിധി ഡോ. അബ്ദുൽ മജീദ് ഹക്കീം ഇലാഹിയാണ് ഇന്ത്യക്കാർക്ക് ആശംസകൾ നേർന്നത്.
ദീപാവലി സന്തോഷത്തിന്റെയും പ്രകാശത്തിന്റെയും ഉത്സവമാണെന്ന് അദ്ദേഹം വിശേഷിപ്പിച്ചു. ഇന്ത്യയിലെ എല്ലാവർക്കും സന്തോഷവും സമൃദ്ധിയും ആരോഗ്യവും ഉണ്ടാകട്ടെയെന്നും അദ്ദേഹം ആശംസിച്ചു. ഇന്ത്യയും ഇറാനും കൂടുതൽ പുരോഗതിയിലേക്ക് മുന്നേറട്ടെയെന്നും അദ്ദേഹം പ്രത്യാശ പ്രകടിപ്പിച്ചു.
ആഗ്രയിലെ ഷഹീദ്-ഇ-സാലിസ് ദർഗയിൽ നടത്തിയ നാലുദിവസത്തെ സന്ദർശനത്തിനിടെയായിരുന്നു അദ്ദേഹത്തിന്റെ പ്രതികരണം.
ഇറാൻ അംബാസഡർ മുഹമ്മദ് ഫത്താലിയും ദീപാവലി ആശംസകൾ നേർന്നു. ഇരുട്ടിന് മേൽ വെളിച്ചത്തിന്റെയും അജ്ഞതയ്ക്ക് മേൽ അറിവിന്റെയും വിജയമാണ് ദീപാവലി നൽകുന്ന സന്ദേശമെന്ന് അദ്ദേഹം പറഞ്ഞു.
ഇന്ത്യയും ഇറാനും തമ്മിലുള്ള നൂറ്റാണ്ടുകൾ പഴക്കമുള്ള ചരിത്രപരവും സാംസ്കാരികവുമായ ബന്ധവും അദ്ദേഹം എടുത്തുപറഞ്ഞു.
ഇന്ത്യയിൽ മാത്രമല്ല, ലോകത്തിന്റെ വിവിധ ഭാഗങ്ങളിലും ദീപാവലി ആഘോഷങ്ങൾ നടക്കുകയാണ്. വിദേശരാജ്യങ്ങളിലെ ഇന്ത്യൻ എംബസികളിലും പ്രത്യേക പരിപാടികൾ സംഘടിപ്പിച്ചിട്ടുണ്ട്.
മതസൗഹാർദത്തിന്റെയും സാംസ്കാരിക ഐക്യത്തിന്റെയും സന്ദേശം ഉയർത്തിപ്പിടിക്കുന്നതാണ് ഇറാന്റെ ഈ ആശംസയെന്നാണ് ശ്രദ്ധേയം.
