സീനിയർ വോളിബോൾ ടീമിനായി വീണ്ടും സെലക്ഷൻ നടത്തുന്നു

ചെന്നൈ: വിവാദങ്ങളുടെ പശ്ചാത്തലത്തിൽ ദേശീയ സീനിയർ വോളിബോൾ ടീമിനായി വീണ്ടും സെലക്ഷൻ ട്രെയ്ൽസ് 29 മുതൽ ഗുജറാത്തിൽ നടക്കും. ദേശീയ ക്യാമ്പുമായി ബന്ധപ്പെട്ട വിവാദങ്ങളെ തുടർന്നാണ് വീണ്ടും സെലക്ഷൻ നടത്താനുള്ള തീരുമാനം. വോളിബോൾ ഫെഡറേഷൻ ഓഫ് ഇന്ത്യ (വിഎഫ്ഐ) യുടെ അംഗീകാരം കഴിഞ്ഞ ദിവസം അന്താരാഷ്ട്ര വോളിബോൾ ഫെഡറേഷൻ റദ്ദാക്കിയിരുന്നു. ഇതിനു പിന്നാലെ ഭരണനിർവഹണത്തിനായി ചുമതയപ്പെടുത്തിയ സ്റ്റിയറിങ് കമ്മിറ്റിയാണ് വിദേശ പരിശീലകനായ ഡ്രാഗൻ മിഹൈലോവിച്ച് , മലയാളി താരമായിരുന്ന ടോം ജോസഫ് എന്നിവരെ ഉൾപ്പെടുത്തി ഏഴംഗ സെലക്ഷൻ കമ്മിറ്റിയെ നിയോഗിച്ചിരിക്കുന്നത്.