ന്യൂഡൽഹി: 2013ലെ ബലാത്സംഗക്കേസിൽ മാധ്യമപ്രവർത്തകൻ തരുണ്‍ തേജ്പാലിന് ലഭിച്ച 10 വർഷത്തെ തടവുശിക്ഷ മരവിപ്പിക്കണമെന്ന ആവശ്യം സുപ്രീംകോടതി തള്ളി. ബോംബെ ഹൈക്കോടതിയുടെ ഗോവ ബെഞ്ച് വിധിച്ച ശിക്ഷ അപ്പീൽ പരിഗണിക്കുന്നതുവരെ മരവിപ്പിക്കണമെന്നായിരുന്നു തേജ്പാലിന്റെ ആവശ്യം. അതേസമയം, ശിക്ഷാവിധിക്കെതിരായ അപ്പീൽ പരിഗണിക്കാൻ കോടതി തീരുമാനിച്ചു.

ജസ്റ്റിസുമാരായ എം.എം. സുന്ദ്രേഷ്, പി.ബി. വരാലെ എന്നിവരടങ്ങിയ ബെഞ്ചാണ് ഹർജി പരിഗണിച്ചത്. പ്രോസിക്യൂഷൻ സാക്ഷികളുടെ മൊഴികളും കോടതിയിൽ ഹാജരാക്കിയ രേഖകളും സന്ദേശങ്ങളും പ്രാഥമികമായി പരിശോധിച്ചപ്പോൾ ശിക്ഷ മരവിപ്പിക്കാൻ മതിയായ സാഹചര്യം കാണുന്നില്ലെന്ന് കോടതി വ്യക്തമാക്കി. ദീപാവലി അടുത്ത സാഹചര്യത്തിൽ അപ്പീൽ തീർപ്പാകുന്നതുവരെ ജാമ്യം അനുവദിക്കണമെന്ന തേജ്പാലിന്റെ ആവശ്യവും കോടതി അംഗീകരിച്ചില്ല.

2013ൽ തെഹൽക്ക മാസികയുടെ എഡിറ്ററായിരുന്ന കാലത്താണ് കേസിനാസ്പദമായ സംഭവം നടന്നത്. സംഘടനയുടെ വാർഷിക പരിപാടിക്കിടെ ഗോവയിലെ ഹോട്ടലിൽ വെച്ച് സഹപ്രവർത്തകയെ ലൈംഗികമായി പീഡിപ്പിച്ചെന്നാണ് തേജ്പാലിനെതിരായ കേസ്. വിചാരണക്കോടതി അദ്ദേഹത്തെ കുറ്റവിമുക്തനാക്കിയിരുന്നു. എന്നാൽ, ഗോവ സർക്കാരിന്റെ അപ്പീൽ പരിഗണിച്ച ബോംബെ ഹൈക്കോടതിയുടെ ഗോവ ബെഞ്ച് കഴിഞ്ഞ ഓഗസ്റ്റിൽ കുറ്റക്കാരനാണെന്ന് കണ്ടെത്തി 10 വർഷത്തെ തടവുശിക്ഷ വിധിക്കുകയായിരുന്നു.

സുപ്രീംകോടതിയിൽ തേജ്പാലിനുവേണ്ടി ഹാജരായ മുതിർന്ന അഭിഭാഷകരായ കപിൽ സിബലും സിദ്ധാർഥ് അഗർവാളും പ്രോസിക്യൂഷൻ വാദങ്ങളെ ചോദ്യം ചെയ്തു. സംഭവം നടന്നത് 2013 നവംബർ ഏഴിനാണെന്നും എഫ്‌ഐആർ രജിസ്റ്റർ ചെയ്തത് നവംബർ 22നാണെന്നും അവർ ചൂണ്ടിക്കാട്ടി. ലിഫ്റ്റിനുള്ളിൽ വെച്ചാണ് അതിക്രമം നടന്നതെന്ന പരാതിക്കാരിയുടെ മൊഴി സിസിടിവി ദൃശ്യങ്ങളോ സാങ്കേതിക പരിശോധനയോ വഴി സ്ഥിരീകരിക്കാനായില്ലെന്നും പ്രതിഭാഗം വാദിച്ചു. ലിഫ്റ്റ് ഓരോ നിലയിലും തുറക്കുന്ന സാഹചര്യത്തിൽ രണ്ട് മിനിറ്റും ഒമ്പത് സെക്കൻഡും മാത്രമുള്ള സമയത്തിനുള്ളിൽ ഇത്തരമൊരു സംഭവം നടക്കാനാകില്ലെന്നായിരുന്നു അവരുടെ വാദം.

എന്നാൽ, ഗോവ സർക്കാരിനുവേണ്ടി ഹാജരായ സോളിസിറ്റർ ജനറൽ തുഷാർ മേത്ത പ്രതിഭാഗത്തിന്റെ വാദങ്ങളെ എതിർത്തു. തേജ്പാൽ പരാതിക്കാരിക്ക് അയച്ച സന്ദേശങ്ങളിൽ ക്ഷമാപണം നടത്തിയിരുന്നതായി അദ്ദേഹം കോടതിയുടെ ശ്രദ്ധയിൽപ്പെടുത്തി. തൊഴിലുടമയും ജീവനക്കാരിയും എന്ന ബന്ധത്തിന് പുറമെ പരാതിക്കാരി തേജ്പാലിന്റെ സുഹൃത്തിന്റെ മകളാണെന്നും അദ്ദേഹത്തിന്റെ മകളുമായി സൗഹൃദത്തിലായിരുന്നുവെന്നും മേത്ത ചൂണ്ടിക്കാട്ടി. പ്രതിയെ കള്ളക്കേസിൽ കുടുക്കാൻ പരാതിക്കാരിക്ക് എന്ത് കാരണമാണുള്ളതെന്ന് കോടതി ചോദിച്ചതായും റിപ്പോർട്ടുണ്ട്.

വിചാരണക്കോടതിയിലെ നടപടികൾ പരാതിക്കാരിയെ തന്നെ വിചാരണ ചെയ്യുന്ന തരത്തിലായിരുന്നുവെന്നും അവരോട് അസ്വസ്ഥതയുണ്ടാക്കുന്ന ചോദ്യങ്ങൾ ചോദിച്ചിരുന്നുവെന്നും തുഷാർ മേത്ത വാദിച്ചു. വിചാരണയുടെ രീതിയെ ഹൈക്കോടതി വിമർശിച്ചിരുന്ന കാര്യവും അദ്ദേഹം ചൂണ്ടിക്കാട്ടി.

അതേസമയം, കേസിന്റെ അന്തിമ മെറിറ്റുകളിലേക്ക്