കോട്ടയം: സിഐടിയു സംസ്ഥാന പ്രസിഡന്റായി മുതിർന്ന സിപിഎം നേതാവ് ടി.പി. രാമകൃഷ്ണൻ തുടരും. നിലവിൽ സംസ്ഥാന വൈസ് പ്രസിഡന്റായിരുന്ന കെ.കെ. ജയചന്ദ്രനാണ് പുതിയ ജനറൽ സെക്രട്ടറി. സിഐടിയുവിന്റെ 16-ാം സംസ്ഥാന സമ്മേളനത്തിലാണ് പുതിയ ഭാരവാഹികളെ തെരഞ്ഞെടുത്തത്.
വി. ശിവൻകുട്ടിയെ ട്രഷററായും കെ.എൻ. ഗോപിനാഥിനെ അസിസ്റ്റന്റ് ജനറൽ സെക്രട്ടറിയായും സമ്മേളനം തെരഞ്ഞെടുത്തു. 47 അംഗ സംസ്ഥാന കമ്മിറ്റിയെയും പുതിയതായി രൂപീകരിച്ചിട്ടുണ്ട്.
സംഘടനയുടെ തുടർന്നുള്ള പ്രവർത്തനങ്ങൾക്ക് നേതൃത്വം നൽകുന്നതിനായാണ് പുതിയ ഭാരവാഹികളെ തെരഞ്ഞെടുത്തത്. സംസ്ഥാന സമ്മേളനത്തിലെ ഭാരവാഹി പ്രഖ്യാപനത്തോടെ സിഐടിയുവിന്റെ പുതിയ നേതൃത്വത്തിന് രൂപമായി.
