പാലക്കാട് ഡെങ്കിപ്പനി ബാധിച്ച് 13 കാരി മരിച്ചു
പാലക്കാട്: പാലക്കാട് എരുത്തേമ്പതിയിൽ ഡെങ്കിപ്പനി ബാധിച്ച് വിദ്യാര്ഥി മരിച്ചു. വണ്ണാമട സ്വദേശി അശ്വിനി (13) ആണ് മരിച്ചത്.പനി ബാധിച്ചതിനെ തുടര്ന്ന് കഴിഞ്ഞ വെള്ളിയാഴ്ച അശ്വിനിയെ കൊഴിഞ്ഞാമ്പാറയിലെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. തുടര്ന്ന് പാലക്കാട്ടെ സ്വകാര്യ ആശുപത്രിയിലും പിന്നീട് തൃശൂരിലെ സ്വകാര്യ മെഡിക്കല് കോളജിലും പ്രവേശിപ്പിച്ചു. ചികിത്സയിലിരിക്കെ ചൊവ്വാഴ്ച പുലര്ച്ചെ മൂന്ന് മണിയോടെയാണ് കുട്ടി മരിച്ചത്. ചിറ്റൂര് ഗവ വിക്ടോറിയ ഗേള്സ് ഹയര് സെക്കന്ഡറി സ്കൂളിലെ ഒമ്പതാം ക്ലാസ് വിദ്യാര്ഥിനിയായിരുന്നു അശ്വിനി.
Read more
