സലാലക്ക് സമീപം അറബിക്കടലില്‍ ഭൂചലനം; റിക്ടര്‍ സ്‌കെയിലില്‍ 4.9 തീവ്രത രേഖപ്പെടുത്തി

മസ്കത്ത്: സലാലയില്‍ നിന്ന് ഏകദേശം 239 കിലോമീറ്റര്‍ തെക്കായി അറബിക്കടലില്‍ റിക്ടര്‍ സ്‌കെയിലില്‍ 4.9 തീവ്രതയുള്ള ഭൂചലനം രേഖപ്പെടുത്തി. പ്രാദേശിക സമയം വൈകിട്ട് 4:01നാണ് ഭൂചലനം അനുഭവപ്പെട്ടതെന്ന് സുല്‍ത്താന്‍ ഖാബൂസ് സര്‍വകലാശാല ഭൂകമ്പ നിരീക്ഷണ കേന്ദ്രം അറിയിച്ചു. ഭൂചലനത്തിന്റെ പ്രഭവകേന്ദ്രം ഭൂമിയുടെ ഉപരിതലത്തില്‍ നിന്ന് 10 കിലോമീറ്റര്‍ ആഴത്തിലായിരുന്നുവെന്നും കേന്ദ്രം പറഞ്ഞു. കഴിഞ്ഞ ആഴ്ചയിലായി സൗദിയിലെ ജിസാനിലും ഭൂചലനം അനുഭവപ്പെട്ടിരുന്നു.