തൃശ്ശൂർ: തൃശ്ശൂരിലെ വാണിയംപാറയിൽ വോട്ട് രേഖപ്പെടുത്തി പുറത്തിറങ്ങിയ ആൾ കുഴഞ്ഞുവീണ് മരിച്ചു. കൊമ്പഴ രാമൻചിറ സ്വദേശി വിനോദ് (63) ആണ് കുഴഞ്ഞുവീണ് മരിച്ചത്. വാണിയംപാറ ഇകെഎംയുപി സ്കൂളിലെ നമ്പർ 37 ബൂത്തിലാണ് സംഭവം നടന്നത്. വോട്ട് ചെയ്ത് പുറത്തിറങ്ങിയ വിനോദിന് ദേഹാസ്വാസ്ഥ്യം അനുഭവപ്പെടുകയായിരുന്നു. പോളിംഗ് ഓഫീസറുടെ നേതൃത്വത്തിൽ വീൽച്ചെയറിൽ ഇരുത്തുന്ന സമയം കുഴഞ്ഞു വീഴുകയായിരുന്നു. വേഗം തന്നെ തൃശ്ശൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
വോട്ട് ചെയ്ത് ഇറങ്ങിയപ്പോൾ ദേഹാസ്വാസ്ഥ്യം; തൃശ്ശൂർ സ്വദേശി കുഴഞ്ഞുവീണ് മരിച്ചു
