വെള്ളക്കെട്ടിൽ ഊരിൽ കുടുങ്ങിയ അമ്മയെയും കുഞ്ഞിനെയും രക്ഷപ്പെടുത്തി അഗ്നിരക്ഷാസേന
പന്നിയോറ: കനത്ത മഴയെ തുടർന്നുണ്ടായ വെള്ളക്കെട്ടിൽ ഊരിൽ കുടുങ്ങിയ അമ്മയെയും 14 ദിവസം മാത്രമായ കുഞ്ഞിനെയും അഗ്നിരക്ഷാസേന സാഹസികമായി രക്ഷപ്പെടുത്തി. പന്നിയോറ കരിവേപ്പിൽ ഊരിലെ ഗീത, കുഞ്ഞ് എന്നിവരെയാണു രക്ഷപ്പെടുത്തിയത്. ഇന്നലെ ഉച്ചയ്ക്ക് ഒന്നോടെയാണു ഊരിൽ വെള്ളം കയറിയത്. ഇവരുടേതു ഉൾപ്പെടെ 8 കുടുംബങ്ങളാണ് ഊരിലുള്ളത്. സ്ഥലത്തെത്തിയ അഗ്നിരക്ഷാ സേന 5 മണിക്കൂർ നീണ്ട പരിശ്രമത്തിനൊടുവിൽ വൈകിട്ട് ആറോടെയാണു 8 കുടുംബങ്ങളെയും രക്ഷപ്പെടുത്തിയത്. ഇവരെ പിന്നീട് കാപ്പുവയൽ ഗവ.എൽപി സ്കൂളിലേക്കു മാറ്റി താമസിപ്പിച്ചു.
Read more
