ഗുഡ് ഹോപ് പ്രൊഡക്ഷന് ആന്ഡ് ഡിസ്ട്രിബ്യൂഷന് ബാനറില് ഡോക്ടര് ജുനൈസ് ബാബു ഗുഡ് ഹോപ് നിര്മ്മിച്ച്, രജീഷ് പരമേശ്വരന് സംവിധാനം ചെയ്യുന്ന ഏറ്റവും പുതിയ ചിത്രം ആരത്തിന്റെ ടീസര് പുറത്തിറങ്ങി. ആകാംക്ഷയും ദുരൂഹതയും നിറഞ്ഞ ഒരു ക്രൈം ത്രില്ലറായി ഒരുങ്ങുന്ന ചിത്രം സെപ്റ്റംബര് 25ന് തിയേറ്ററുകളിലെത്തും.സസ്പെന്സും ഉദ്വേഗവും നിറഞ്ഞ കഥാഗതിയിലൂടെ പ്രേക്ഷകരെ ആകര്ഷിക്കുന്ന ചിത്രത്തിന്റെ ടീസര് ഇതിനോടകം തന്നെ ശ്രദ്ധ നേടിക്കഴിഞ്ഞു.
നിരവധി പരസ്യചിത്രങ്ങളിലൂടെ ശ്രദ്ധേയനായ രജീഷ് പരമേശ്വരന് സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കുന്നത് കിനാവള്ളി എന്ന ചിത്രത്തിന്റെ രചന നിര്വഹിച്ച വിഷ്ണു രാമചന്ദ്രനാണ്. സൈജു കുറുപ്പിനൊപ്പം അസ്കര് അലി, സിദ്ധിഖ്, അഞ്ജു കുര്യന്, സുധീഷ്, ഉണ്ണിലാലു, അജിത് കോശി, മനോജ് കെ.യു., ഷഹീന് സിദ്ദിഖ്, അപ്പുണ്ണി ശശി, മീര വാസുദേവ്, വൈഷ്ണവി കല്യാണി, സുരഭി സന്തോഷ്, ലത ദാസ്, ഗോകുലന്, റിയാസ് നര്മകല, ജയരാജ് വാര്യര്, കബനി സൈറ, ശ്രേയ ജയദീപ്, എറിക് ആദം ഗുഡ് ഹോപ്പ് എന്നിവരാണ് ചിത്രത്തിലെ മറ്റ് പ്രധാന താരങ്ങള്.
