രാജ്യത്ത് കാലവർഷം ദുർബലമാവും

തിരുവനന്തപുരം: രാജ്യത്താകമാനം ഇത്തവണ കാലവർഷം സാധാരണയിലും കുറഞ്ഞ തോതിൽ ആയിരിക്കുമെന്ന് സ്കൈമെറ്റ് എന്ന സ്വാകാര്യ കാലാവസ്ഥാ ഏജൻസി പ്രവചിച്ചു. എന്നാൽ കേരളത്തിൽ ഇത്തവണ കാലവർഷം സാധാരണ നിലയിൽ ആവുമെന്നും അറിയിച്ചു. ഇത്തവണത്തെ കാലവർഷത്തെ പറ്റിയുള്ള ആദ്യത്തെ പ്രവചനമാണിത്. കാലവർഷത്തിന്റെ ആദ്യത്തിൽ തന്നെ സമുദ്രോപരിതലം അസാധാരണമായി ചൂടുപിടിക്കുന്ന പ്രതിഭാസമായ എൽനിനോ പ്രതിഭാസം പ്രതീക്ഷിക്കുന്നുവെന്നും അറിയിപ്പുണ്ട്. ഇതുകാരണം കാലവർഷം ദുർബലമാവാൻ സാധ്യതയുണ്ട്. അതേസമയം ഇന്ത്യൻ മഹാസമുദ്രം ഡൈപോൾ പോസിറ്റീവ് ആവാനാണ് സാധ്യത. അതായത് പടിഞ്ഞാറ് ചൂട് കൂടുതലും കിഴക്ക് ചൂട് കുറവായിരിക്കും. കാലവർഷത്തിന്റെ തുടക്കത്തെ ഇത് അനുകൂലമായി സ്വാധീനിക്കും.