താരമായി 10 ലക്ഷം ദിർഹം വിലയുള്ള പരുന്തുകൾ; അഡിഹെക്സിൽ ജനത്തിരക്കേറുന്നു
അബുദാബി : രണ്ടാംദിനത്തിലേക്ക് കടന്ന 23-ാമത് അബുദാബി ഇന്റർനാഷണൽ ഹണ്ടിങ് ആൻഡ് ഇക്വസ്ട്രിയൻ എക്സിബിഷനിൽ കാഴ്ചക്കാരുടെ മനസ്സ് കവർന്ന് 10 ലക്ഷം ദിർഹം വരെ വിലമതിക്കുന്ന പരുന്തുകൾ. ശനിയാഴ്ച അവധി ദിനമായതിനാൽ നൂറുകണക്കിനാളുകളാണ് അബുദാബി അഡ്‌നെക് സെന്ററിലേക്ക് ഒഴുകിയെത്തിയത്. പരുന്ത് വളർത്തൽ, കുതിരസവാരി, ഒട്ടകങ്ങൾ, വേട്ടയാടൽ ഉപകരണങ്ങൾ, സഫാരി ടൂറിസം, പരമ്പരാഗത കരകൗശല വസ്തുക്കൾ തുടങ്ങി 15 മേഖലകളിലായി വൻ സജ്ജീകരണങ്ങളാണ് എക്സിബിഷനിൽ ഒരുക്കിയിരിക്കുന്നത്. കുട്ടികൾക്കായി യു.എ.ഇ.യുടെ പാരമ്പര്യവും സംസ്കാരവും പരിചയപ്പെടുത്തുന്ന പ്രത്യേക ശില്പശാലകളും സജ്ജമാക്കിയിട്ടുണ്ട്.
Read more
