ചെന്നൈ: വിജയിനെ നായകനാക്കി എച്ച് വിനോദ് സംവിധാനം ചെയ്ത ജനനായകന് എന്ന ചിത്രത്തിലെ വീഡിയോ ഗാനം പുറത്തെത്തി. ഒരു പേരേ വരളാറ് എന്ന ഗാനത്തിന് വരികള് എഴുതിയിരിക്കുന്നത് വിവേക് ആണ്. ഗാനത്തിലെ ചില സംഭാഷണങ്ങള് എഴുതിയിരിക്കുന്നത് വിജയ് തന്നെയാണ്. അനിരുദ്ധ് രവിചന്ദര് ഈണം പകര്ന്നിരിക്കുന് ഗാനം ആലപിച്ചിരിക്കുന്നത് വിശാല് മിശ്രയും അനിരുദ്ധ് രവിചന്ദറും ചേര്ന്നാണ്. പൊങ്കല് റിലീസ് ആയി പ്രഖ്യാപിച്ച്, എന്നാല് സെന്സര് സംബന്ധമായ പ്രശ്നങ്ങളാല് റിലീസ് നീണ്ട വിജയിന്റെ അവസാന ചിത്രം ഒടുവില് ആറ് മാസത്തിന് ശേഷം ജൂലൈ 23 നാണ് തിയറ്ററുകളില് എത്തിയത്. എന്നാല് സമ്മിശ്ര അഭിപ്രായമാണ് ചിത്രത്തിന് ലഭിച്ചത്. അതൊന്നും വിജയിന്റെ ആരാധകവൃന്ദത്തെ അകറ്റിയില്ല എന്നാണ് കളക്ഷന് സൂചിപ്പിക്കുന്നത്.
മൂന്നാം വാരത്തിലും പ്രേക്ഷകരെ കാര്യമായി തിയറ്ററുകളില് എത്തിച്ചുകൊണ്ടിരിക്കുകയാണ് എച്ച് വിനോദ് സംവിധാനം ചെയ്ത ചിത്രം. പ്രമുഖ ട്രാക്കര്മാരായ സാക്നില്കിന്റെ കണക്ക് പ്രകാരം ചിത്രം ഇതിനകം നേടിയിരിക്കുന്നത് 318.09 കോടിയാണ്. ആഗോള ബോക്സ് ഓഫീസില് നിന്നുള്ള കണക്കാണ് ഇത്. റിലീസിന് ശേഷമുള്ള മൂന്നാമത്തെ തിങ്കളാഴ്ചയായ ഇന്നലെ ഇന്ത്യയില് നിന്ന് ചിത്രം നേടിയ നെറ്റ് കളക്ഷന് 75 ലക്ഷം ആയിരുന്നു. 1976 ഷോകളില് നിന്നാണ് ഇത്. 14.2 ആയിരുന്നു തിയറ്റര് ഒക്കുപ്പന്സി. ചിത്രം ഇന്ത്യയില് നിന്ന് ഇതിനകം നേടിയ ഗ്രോസ് ആവട്ടെ 224.89 കോടിയാണ്. നെറ്റ് കളക്ഷന് 193.05 കോടിയും. വിദേശ മാര്ക്കറ്റുകളില് നിന്ന് ഇതുവരെ വന്നിരിക്കുന്ന ഗ്രോസ് 93.20 കോടിയാണ്.
