റിയാദ്: സൗദിയിൽ ജിസാൻ പ്രവിശ്യയിലുള്ള ഫറസാൻ ദ്വീപിൽ സമുദ്ര സുരക്ഷാ നിയമങ്ങൾ ലംഘിച്ച 3 സ്വദേശികളെ അതിർത്തി സുരക്ഷാ സേനയുടെ തീരദേശ പട്രോളിങ് സംഘം പിടികൂടി. രാജ്യത്തെ സമുദ്ര മേഖലകളിൽ വിനോദ-വ്യാവസായിക ആവശ്യങ്ങൾക്കായി ഏർപ്പെടുന്നവർ പാലിക്കേണ്ട സുരക്ഷാ ചട്ടങ്ങൾ ലംഘിച്ചതിനാണ് ഇവർ പിടിയിലായത്. ഔദ്യോഗിക ലൈസൻസുകളോ പെർമിറ്റോ ഇല്ലാതെ മത്സ്യബന്ധനം നടത്തുകയും നിരോധിച്ച ഉപകരണങ്ങൾ ഉപയോഗിച്ച് കടൽ വിഭവങ്ങൾ വേട്ടയാടുകയും ചെയ്തതിനാണ് ഇവരെ പിടികൂടിയതെന്ന് അധികൃതർ വ്യക്തമാക്കി. ഇവർക്കെതിരെ ബന്ധപ്പെട്ട വകുപ്പുകളുമായി സഹകരിച്ച് നിയമപരമായ തുടർനടപടികൾ സ്വീകരിച്ചിട്ടുണ്ട്.
നിയമം ലംഘിച്ച് മത്സ്യബന്ധനം നടത്തിയ 3 പേർ പിടിയിൽ
