മക്കയിൽ ഫാർമസിസ്റ്റുകൾക്ക് എസ്.കെ.പി.എഫ് സ്വീകരണം നൽകി

മക്ക: ഹജ്ജ് കമ്മിറ്റിക്ക് കീഴിലെ ഹജ്ജ് തീർഥാടകരുടെ ആരോഗ്യപരിചരണത്തിനായി കേരളത്തിൽ നിന്ന് ഡെപ്യൂട്ടേഷനായി മക്കയിലെത്തിയ കേരള ഗവൺമെന്റ് ഫാർമസിസ്റ്റുകൾക്ക് സൗദി കേരള ഫാർമസിസ്റ്റ്‌സ് ഫോറത്തിന്റെ (SKPF) നേതൃത്വത്തിൽ സ്വീകരണവും അനുമോദനവും നൽകി. മക്കയിൽ സംഘടിപ്പിച്ച ചടങ്ങിൽ കേരളത്തിന്റെ വിവിധ ജില്ലകളിൽ നിന്നെത്തിയ ഫാർമസിസ്റ്റുകളും എസ്.കെ.പി.എഫ് പ്രവർത്തകരും പങ്കെടുത്തു. ഹജ്ജ് തീർഥാടകരുടെ ആരോഗ്യപരിപാലന രംഗത്ത് ഫാർമസിസ്റ്റുമാർ വഹിക്കുന്ന സേവനങ്ങൾ മഹത്തരമാണെന്നും തീർഥാടകർക്ക് സുരക്ഷിതവും ഫലപ്രദവുമായ ചികിത്സയും സേവനങ്ങളും ഉറപ്പാക്കുന്നതിൽ അവരുടെ പങ്ക് നിർണായകമാണെന്നും ചടങ്ങിൽ സംസാരിച്ചവർ അഭിപ്രായപ്പെട്ടു.