ടിസി വാങ്ങാനെത്തിയ വിദ്യാര്‍ഥി അധ്യാപകനെ കുത്തി

മഹാരാഷ്ട്ര: ടിസി വാങ്ങാനെത്തിയ വിദ്യാര്‍ഥി അധ്യാപകനെ കത്തികൊണ്ട് കുത്തി. മഹാരാഷ്ട്രയിലെ ഛത്രപതി സാമ്പാജി നഗറിലാണ് സംഭവം. ചികിത്സയിലുള്ള അധ്യാപകന്‍ അപകട നില തരണം ചെയ്തു. കണ്‍ടോണ്‍മെന്റ് ഏരിയിയിലെ ലിറ്റില്‍ ഫ്‌ലവര്‍ സ്‌കൂളിലാണ് വിദ്യാര്‍ഥി അധ്യാപകനെ കുത്തിയത്. ഉച്ചയോടെ ടിസി വാങ്ങാന്‍ പതിനേഴ്കാരന്‍ സ്‌കൂളിലെത്തി. മൂന്ന് വര്‍ഷം മുന്‍പ് ഒന്‍പതാം തരത്തില്‍ തോറ്റതോടെ പഠനം അവസാനിപ്പിച്ചതാണ്. ടിസി വാങ്ങാന്‍ ഇപ്പോഴാണ് വരുന്നത്. പ്രിന്‍സിപ്പലിന്റെ മുറിയിലേക്ക് അന്നത്തെ ക്ലാസ് ടീച്ചറെയും വിളിച്ച് വരുത്തി. മൂന്ന് പേരും സംസാരിക്കുന്നതിടെ തര്‍ക്കമുണ്ടായി. ഉടന്‍ അരയില്‍ കരുതിയ കത്തിയെടുത്ത് അധ്യാപകന്‍ വിശാലിന് നേരെ വീശുകയായിരുന്നു. നെഞ്ചില്‍ കുത്തേറ്റ അധ്യാപകനെ ആശുപത്രിയിലേക്ക് മാറ്റി. വിദ്യാര്‍ഥിയെ പൊലീസ് അറസ്റ്റ് ചെയ്തു.