കുവൈത്ത് : ഇറാൻ ആക്രമണത്തെ തുടർന്ന് കഴിഞ്ഞ ജൂൺ മൂന്നിന് താൽക്കാലികമായി നിർത്തിവെച്ചിരുന്ന കുവൈത്തിൽ നിന്നുള്ള ഇന്ത്യൻ വിമാന സർവീസുകൾ ജൂലൈ ഒന്ന് മുതൽ പുനരാരംഭിക്കുന്നു. പ്രമുഖ ഇന്ത്യൻ വിമാന കമ്പനികളായ ഇൻഡിഗോയും എയർ ഇന്ത്യ എക്സ്പ്രസും കുവൈത്ത് അന്താരാഷ്ട്ര വിമാനത്താവളത്തിലെ ടെർമിനൽ നാല് വഴിയാണ് സർവീസുകൾ നടത്തുക. സ്കൂൾ അവധിക്കാലത്ത് നാട്ടിലേക്ക് മടങ്ങാൻ കാത്തിരുന്ന മലയാളികൾ അടക്കമുള്ള ആയിരക്കണക്കിന് പ്രവാസി യാത്രക്കാർക്ക് ഏറെ ആശ്വാസം പകരുന്നതാണ് ഈ തീരുമാനം. ദിവസവും പുലർച്ചെ നാല് മണി മുതൽ രാത്രി പത്ത് മണി വരെയാണ് സർവീസുകൾ ക്രമീകരിച്ചിരിക്കുന്നത്. കൃത്യസമയത്തുള്ള യാത്ര ഉറപ്പാക്കാൻ വിമാനം പുറപ്പെടുന്നതിന് മൂന്ന് മണിക്കൂർ മുൻപെങ്കിലും യാത്രക്കാർ വിമാനത്താവളത്തിൽ എത്തണമെന്ന് അധികൃതർ നിർദ്ദേശം നൽകി.
കുവൈത്തിൽ നിന്നുള്ള ഇന്ത്യൻ വിമാന സർവീസുകൾ ജൂലൈ 1 മുതൽ പുനരാരംഭിക്കുന്നു
