തിരുവനന്തപുരം: പ്രതിപക്ഷ നേതാവ് പിണറായി വിജയനെ വിമര്ശിക്കാന് എന്തിന് പേടിക്കണമെന്ന് സിപിഐഎം മുതിര്ന്ന നേതാവ് ഇ.പി ജയരാജന്. പാര്ട്ടി കമ്മിറ്റികളില് താനടക്കം അദ്ദേഹത്തെ വിമര്ശിക്കാറുണ്ടെന്നും ഇ. പി ജയരാജന് പറഞ്ഞു. എന്നാല് അക്കാര്യങ്ങള് മാധ്യമങ്ങള്ക്ക് മുന്നില് വന്ന് പറയാറില്ലെന്നും അത് പാര്ട്ടി സംഘടനാ കാര്യമാണെന്നും പറയേണ്ടത് പാര്ട്ടിയില് പറയുമെന്നും അദ്ദേഹം കൂട്ടിച്ചേര്ത്തു. എല്ലാവരെയും പാര്ട്ടിയില് വിമര്ശിക്കും, സ്വയം വിമര്ശനവും തെറ്റ് തിരുത്തലുമുണ്ട്.
അതുപോലെ സ്വയം തിരുത്തലുമുണ്ട്. ഇതെല്ലാം നടത്തി പ്രവര്ത്തിക്കുന്ന പാര്ട്ടിയാണ് കമ്മ്യൂണിസ്റ്റ് പാര്ട്ടിയെന്നും ഇ പി ജയരാജന് വ്യക്തമാക്കി.
നിയമസഭാ തിരഞ്ഞെടുപ്പിലെ തോൽവി സംബന്ധിച്ച സിപിഎം കേന്ദ്ര കമ്മിറ്റിയുടെ അവലോകന റിപ്പോർട്ട് പുറത്തുവന്ന പശ്ചാത്തലത്തിലാണ് ജയരാജന്റെ പ്രതികരണം. മുഖ്യമന്ത്രിയായിരുന്ന പിണറായി വിജയനെ കേന്ദ്രീകരിച്ച് പ്രചാരണം നടത്തിയതടക്കം തോൽവിക്ക് കാരണമായെന്നാണ് സിപിഎം റിപ്പോർട്ടിൽ പറയുന്നത്.
അതേസമയം പാർട്ടി അംഗീകരിച്ച റിപ്പോർട്ടാണ് കേന്ദ്ര കമ്മിറ്റി പ്രസിദ്ധീകരിച്ചതെന്ന് ജയരാജൻ പറഞ്ഞു. അപ്രതീക്ഷിതമായ പരാജയമാണ് തെരഞ്ഞെടുപ്പിലുണ്ടായത്. വീഴ്ച എന്താണെന്നത് കണ്ടെത്തി തിരുത്തുക എന്നതാണ് പാർട്ടി ചെയ്യുന്നതെന്നും ജയരാജൻ കൂട്ടിച്ചേർത്തു. അതേസമയം യുഡിഎഫ് സര്ക്കാരിനെതിരെ രൂക്ഷമായ വിമര്ശനവും ഇ. പി ജയരാജന് ഉന്നയിച്ചു. കാര്യശേഷിയില്ലാത്ത ഒരു സര്ക്കാരാണ് സംസ്ഥാനത്തുള്ളതെന്ന് അദ്ദേഹം പറഞ്ഞു.
