ബിഗ് ടിക്കറ്റ് ബിഗ് സ്പിൻ മത്സരത്തിൽ വിജയിച്ച് രണ്ട് മലയാളികൾ. നിതിൻ ജോയ്, ദിനേഷ് കുമാർ എന്നിവരാണ് വിജയികൾ. ദിനേഷ് 2.5 ലക്ഷം ദിർഹവും നിതിൻ 1 ലക്ഷം ദിർഹവും നേടി. മൊത്തം മൂന്നു പേരാണ് ആദ്യത്തെ ബിഗ് സ്പിന്നിൽ വിജയിച്ചത്. ജോർദാനിൽ നിന്നുള്ള ഒസാമ മഹ്മൂദ് ആണ് മൂന്നാമത്തെ വിജയി. അദ്ദേഹം 1 ലക്ഷം ദിർഹമാണ് നേടിയത്.
മത്സരത്തിൽ പങ്കെടുക്കാൻ ഇന്ത്യയിൽ നിന്നും അബുദായിലേക്ക് നിതിൻ എത്തി. വിമാന ടിക്കറ്റും താമസവും ബിഗ് ടിക്കറ്റ് ടീം തന്നെ ഒരുക്കി. സമ്മാനത്തുകയിൽ ഒരു പങ്ക് കടങ്ങൾ വീട്ടാനും കാൻസർ രോഗ ബാധിതനായ ബന്ധുവിനായി ചെലവഴിക്കാനുമാണ് നിതിൻ ആഗ്രഹിക്കുന്നത്.
ദിനേഷ് കുമാർ അബുദാബിയിലാണ് 16 വർഷമായി താമസിക്കുന്നത്. രണ്ടു വർഷമായി സ്ഥിരമായി എല്ലാ മാസവും ബിഗ് ടിക്കറ്റിൽ അദ്ദേഹം പങ്കെടുക്കുന്നുണ്ട്.
