റിയാദ്: ഫിഫ ലോകകപ്പിലെ തങ്ങളുടെ ആദ്യ ഗ്രൂപ്പ് പോരാട്ടത്തിനായി സൗദി അറേബ്യ ഇന്ന് കളത്തിലിറങ്ങുന്നു. ശക്തരായ യുറുഗ്വേയാണ് സൗദിയുടെ ഇന്നത്തെ എതിരാളികൾ. ഇന്ത്യൻ സമയം പുലർച്ചെ മൂന്നരയ്ക്കാണ് ഈ ആവേശപ്പോരാട്ടം നടക്കുന്നത്. ഗ്രൂപ്പ് എച്ചിൽ യുറുഗ്വേയ്ക്ക് പുറമെ സ്പെയിൻ, കേപ്പ് വെർഡെ എന്നിവരാണ് മറ്റ് ടീമുകൾ. ഫിഫ റാങ്കിങ്ങിൽ യുറുഗ്വേ 15-ാം സ്ഥാനത്തും സൗദി 60-ാം സ്ഥാനത്തുമാണെങ്കിലും, 2022 ലോകകപ്പിൽ കരുത്തരായ അർജന്റീനയെ അട്ടിമറിച്ച ചരിത്രം സൗദി അറേബ്യയ്ക്കുണ്ട്. അതുകൊണ്ടുതന്നെ ഇന്നത്തെ മത്സരത്തിൽ വിജയിച്ച് നോക്കൗട്ട് ഘട്ടത്തിലേക്കുള്ള വഴി എളുപ്പമാക്കാനാകും സൗദി ടീം ലക്ഷ്യമിടുന്നത്.
ലോകകപ്പ് പോരാട്ടത്തിന് സൗദി അറേബ്യ ഇന്ന് ഇറങ്ങുന്നു
